Љубе Бошкоски е позитивен на ковид-19, во Челопек прави ајвар и лутеница
Лидерот на Обединети за Македонија изјавил дека има лесни симптоми, но заради здравјето на неговите блиски ќе биде изолиран додека не добие негативен тест.
Поранешниот министер за внатрешни работи и актуелен лидер на партијата Обединети за Македонија, Љубе Бошкоски, е заразен со коронавирусот и деновите ги поминува во карантин во Челопек, Тетовско, пренесува ММС.мк.
Тој изјавил дека има лесни симптоми, но заради здравјето на неговите блиски ќе биде изолиран додека не добие негативен тест.
– Немам температира, не кашлам, за среќа вкусот го чувствувам, па си имам апетит, но кога ставив парфем, не го чувствував мирисот. А бидејќи морам да бидам изолиран, а знам како е, нели „само“ 11 години бев изолиран, на блиските во Челопек, кои ми носат храна, им реков да ми купат пиперки и патлиџан, барем да направам зимница. Овие денови направив околу 40 тегли ајвар, вчера испеков пиперки за лутеница и до вечер ќе биде готова – вели Бошкоски за ммс.мк.