УАПСЕН УБИЕЦ БАРАН СО ПОТЕРНИЦА Престапникот од Арачиново бил осуден на 12 години затвор
Лицето ќе биде спроведено во надлежната казнено – поправна установа за издржување на казната.
Полициски службеници од Оперативен тим потраги при СВР Скопје денеска околу 13:45 часот на ул.„Ферид Мурати“ го лишиле од слобода Р.Ј.(29) од с.Арачиново, скопско.
Можеби ќе ве интересира
Тој бил баран по централна потерница врз основа на наредба од Основен кривичен суд Скопје за издржување казна затвор од 12 години за сторени кривични дела „убиство“ по член 123 став 2 точка 7 и „неовластено изработување, држење, посредување и тргување со оружје или распрскувачки материи“ по член 396 став 1 од Кривичниот законик, информира МВР.
Како што соопштија од МВР, лицето ќе биде спроведено во надлежната казнено – поправна установа за издржување на казната.