Уапсен пред да излезе од земјата, фатени двајца крадци од Штип
ПРИВЕДЕНО ЛИЦЕ БАРАНО СО ПОТЕРНИЦА – На 17.09.2020 во 09.50 часот на Граничниот премин Белановце од слобода бил лишен А.В.(29) од Куманово, затоа што при проверка било констатирано дека во оперативната евиденција се наоѓа на „стоп листа“, по наредба од Основен суд Куманово. Тој бил предаден на полциски службеници од СВР Куманово за понатамошна постапка.
МУ НАШЛЕ КОКАИН ВО ЏЕБОТ – На 17.09.2020 околу 20.45 часот на ул.„Павел Шатев“ во Велес, полициски службеници го лишиле од слобода Н.А.(28) од Велес, затоа што при преглед кај него била пронајдена бела прашкаста материја. Тој бил приведен во полициска станица и по целосно документирање на случајот против него ќе биде поднесен соодветен поднесок.
ПРИВЕДЕНИ ДВАЈЦА КУМАНОВЦИ КОИ ИМАЛЕ МАРИХУАНА ВО НИВ – На 17.09.2020 во 20.30 часот, полициски службеници од СВР Скопје на автопатот Скопје – Куманово, кај наплатна рампа Миладиновци, ги лишиле од слобода Б.А.(25) и Е.А.(27), двајцата од Куманово, затоа што при извршен преглед кај нив била пронајдена марихуана. По документирање на случајот, против него ќе биде поднесен соодветен поднесок.
ФАТЕНИ ДВАЈЦА КРАДЦИ ОД ШТИП – На 17.09.2020, полициски службеници од СВР Штип ги лишиле од слобода Ф.И.(31) и Р.Д.(41), двајцата од Штип, поради постоење основи на сомнение за сторено кривично дело „тешка кражба“ на подрачјето на Полициската станица Штип.
ТЕШКО ПОВРЕДЕН ВЕЛОСИПЕДИСТ ВО СКОПЈЕ – На 17.09.2020 во 17.30 часот било пријавено дека на крстосница од ул.„Живко Фирфов“ и ул.„Коперникова“ патничко возило „пежо 206“, со скопски регистарски ознаки, управувано од А.З.(49) од Скопје, удрило во велосипед, управуван од А.М.(71) од Скопје. Во незгодата велосипедистот се здобил со тешки телесни повреди, констатирани во Комплекс клиники „Мајка Тереза“. Извршен бил увид на местото на незгодата од увидна екипа од СВР Скопје.
ИЗЛЕТАЛ СО МОПЕД КАЈ РАЧА – На 17.09.2020 било пријавено дека на регионалниот пат Охрид-Свети Наум, кај населбата Рача, М.Б.(45) од Охрид, управувајќи мопед „кивеј“ паднал на коловозот. Во незгодата, возачот на мопедот се здобил со тешки телесни повреди, констатирани во Општата болница Охрид. Извршен бил увид на местото на незгодата од увидна екипа од СВР Охрид.