УАПСЕН E БЕГАЛЕЦ ОД ЗАВОР Ќе треба да одлежи уште 4 години

Полицајци од Единицата за интервентна полиција при СВР Скопје денеска го лишиле од слобода С.Б. (30) од Скопје, кој бил баран по централна потерница од МВР, а по наредба од КПУ Идризово поради бегство од затворот.

Како што информираат од МВР, С.Б. е осуден на казна затвор од седум години и шест месеци поради сторено кривично дело по член 215 став 1 од КЗ, а за доиздржување има 4 години, 3 месеци и 12 дена.

Полицијата ќе го предаде бегалецот на надлежната казнено поправна установа.