Њујоршките болници ја применуваат кинеската тактика: На пациентите со коронавирус им даваат големи дози витамин Ц

Лекарите во болниците во Њујорк им даваат на своите критично болни пациенти големи дози на витамин Ц според тактиката што им помагала на најтешко заразените пациенти во Кина.

Доктор Ендру Вебер, пулмолог од Лонг Ајленд, рекол дека на своите пациенти на интензивна нега интравенозно веднаш им давал 1.500 милиграми витамин Ц.

– На тие пациенти отпосле три или четири пати повторно им се даваат истите дози од овој моќен природен антиоксидант – објасни докторот од „Њујорк пост“.

Ова е 16 пати поголема од препорачаната дневна доза пропишана од Националниот институт за здравје.

Вебер вели дека овој режим се заснова на експерименталниот третман што се применувал на пациентите со коронавирус во Шангај, Кина.

– Пациентите кои примале витамин Ц, постигнале значително подобар резултат од оние кои не примале витамин Ц – рекол Вебер.

Д-р Вебер објаснува дека витаминот Ц е само еден од третманите кој се дава на пациентите кои страдаат од коронавирус.

Клиничкото испитување на ефикасноста на интравенозниот витамин Ц кај пациенти со коронавирус започнало на 14 февруари во болницата Зхонгнан во Кина.

Се очекува да биде завршено во септември, според информациите дадени од Националната медицинска библиотека на САД.