Њујорчани можат да добијат и до 5 милиони долари на грепки доколку се вакцинираат
Заради забавувањето на темпото на вакцинација во државата треба да бидеме креативни за луѓето да ги натераме повеќе да се вакцинираат - рече гувернерот Куомо.
Гувернерот на американската сојузна држава Њујорк, Ендру Куомо, вчера најави дека од следната недела за жителите на „Големото јаболко“ ќе почне лотарија со добивка од пет милиони американски долари, како поттик да се вакцинираат против коронавирусот, и притоа на сограѓаните им порача дека треба да се стремат да победат.
Лотаријата обезбедува бесплатни грепки за сите њујоркчани постари од 18 години, кои од 24-28 мај ќе примат вакцини на „Модерна“, „Фајзер“/„БиоНТек“ или „Џонсон и Џонсон“.
Today we announce a big new reason to get vaccinated: A chance to win up to $5 million!
Get vaccinated at any of 10 state vax sites and receive a free NYS Lottery scratch off ticket with a grand prize of $5 million.
Must be 18 or older.
Details: https://t.co/QwcahJI1gu
— Andrew Cuomo (@NYGovCuomo) May 20, 2021
– Заради забавувањето на темпото на вакцинација во државата треба да бидеме креативни за луѓето да ги натераме повеќе да се вакцинираат – рече Куомо и додаде „колку повеќе жители на Њујорк се вакцинираат, толку побрзо ќе се враќаме во нормала“.
Куомо соопшти дека 63 проценти од возрасните жители на Њујорк се вакцинирани со прва доза на вакцината, а 54 проценти биле целосно ревакцинирани.
Лотаријата, што се користи како поттик за вакцинирање, може да донесе добивки од 20 долари до пет милиони долари.