📽 АКО ПАДНЕ, ТОА ЌЕ БИДЕ НАЈГОЛЕМА ПОБЕДА ПО АВДЕЕВКА Вуледар е опколен, Русите праќаат 5.000 војници
Пред војната, Вуледар имал околу 14.000 жители, а доколку градот падне во рацете на Русија, тоа ќе биде најзначајната победа на агресорите од заземањето на Авдеевка во февруари оваа година. Градот е клучен чекор за Москва во битката за целосна превласт врз регионот Донбас. Стотици украински војници се опколени од Русите, пишува „Дејли Телграф“.
Украинскиот град Вуледар, наречен „тврдина“ поради тоа што Русите две ипол години се обидуваат да го освојат, е опколен, а беше истакнато руско знаме на една зграда. Градот е клучен чекор за Москва во битката за целосна превласт врз регионот Донбас.
Ако биде освоен, Вуледар ќе го отвори патот до клучната Кураховка, додека победата ќе биде најзначајната победа за Русите од заземањето на Авдеевка во февруари оваа година.
Стотици украински војници можат да се најдат во опколениот Вуледар. Официјални лица тврдат дека Русите испратиле дополнителни 5.000 војници во битката и дека се планира голем напад за негово конечно заземање, анализира „Дејли Телгеграф“.
Како што стојат работите на теренот, кога на преостанатите украински војници ќе им се даде дозвола да се повлечат од Вуледар и да се упатат кон североисток, веројатно ќе мора да се борат со руските сили за да стигнат до слободна територија.
Дека Вуледар може да падне е јасно и од украински и од странски проукраински извори, па можеме да видиме потврда од нив дека Русите навистина напредуваат и дека Украина „можеби се обидела да го задржи Вуледар подолго отколку што било оперативно изводливо“.
Russian forces raises the flags in Vuhledar.
Very strong likelihood that the entire of Vuhledar has now fallen to the Russian forces given the extremely relax demeanor of the Russian troops raising the flags.
Vuhledar, Donetsk Front pic.twitter.com/qv3Hoe6Cmy
— Defense Politics Asia (@DefensePolitics) September 30, 2024
Лоши вести за Украина. Русите во борбите го зазедоа градот Украинск, а напаѓаат од југ, со што сакаат да ги воспостават своите позиции во планираното опкружување на Вуледар.
Битки се водат и за селата Хирник и Чукурине, а доколку ги добијат, Русите ќе стигнат до западниот брег на акумулацијата Курахов кај истоимениот град, кој е главен логистички центар на Украина за јужниот дел на Донбас.
Во исто време, друга единица на руската армија веќе напреднала до работ на источниот брег на езерото.
– Ситуацијата во градот е многу тешка, Русите напаѓаат од три страни, а ние имаме сè помалку храна и муниција – му рекол неименуваниот војник на украинскиот блогер Станислав Буњатов.
Тој исто така тврди дека украинските оклопни транспортери не можат да стигнат до областа поради нападите на руската артилерија и беспилотни летала. Наместо тоа, поединечни единици се обидуваат да излезат од руската средина под превезот на ноќта.
Russia is celebrating that they erased another Ukrainian town from the map, celebrating their genocide by waving their flags somewhere in what is reported as Vuhledar.
And all the “ordinary Russians” are sending their love to them in the Russian mil-blogger channels. pic.twitter.com/ldDYVvWMO8— Kvist.P 🇩🇰🇺🇦 (@kvistp) September 30, 2024
Во просек, ако 10 луѓе во група го напуштат градот, од четири до шест излегуваат, рече тој. Ова се огромни загуби за веќе десеткуваните украински сили, а војниците се очајни откако високата команда на армијата го повлече од Вуледар командантот на украинската 72-ра механизирана бригада, која цело време го бранеше градот.
Украинскиот полковник Иван Виник е многу почитуван меѓу борците, се зборуваше за негово унапредување, а некои тврдат дека бил повлечен од Вуледар затоа што требало да се спаси пред градот да падне под руската чизма.
Пред војната, Вуледар имал околу 14.000 жители.