Трудо: Канада нема да дозволи влез на невакцинирани туристи
Странски туристи кои не се вакцинирани против ковид-19 нема да можат да влезат во Канада затоа што владата не сака да го загрози напредокот постигнат во спречувањето на ширењето на коронавирусот, рече премиерот Џастин Трудо.
– Веднаш можам да ви кажам дека тоа нема да се случи уште долго време – одговори Трудо на прашањето, кога Канада ќе дозволи влез на невакцинирани лица.
Можеби ќе ве интересира
Трудо додаде дека повеќе ќе зборува за тоа во наредните недели кога ќе може да се отвори канадската граница за целосно вакцинирани туристи.
Канада има 1,42 милиони заболени и над 26.000 смртни случаи од ефекти на инфекција со коронавирус.