Тројно убиство на приватна забава во САД
Најмалку три лица загинаа во пукање што се случило на приватна забава во градот Вилмингтон, во сојузната американска држава Северна Каролина, соопшти американската полиција.
Можеби ќе ве интересира
Во соопштението се наведува дека до пукањето дошло околу полноќ по локално време и дека во инцидентот се повредени уште четири лица.
– Куќната забава била во тек, кога дошло до пукање. Најмалку седум лица се застрелани, а тројца им подлегнаа на повредите – изјави шерифот на полицијата Дони Вилијамс за локалната телевизија ВЕКТ.
Според него, полицијата се обидува да ги открие мотивите за нападот и да ги идентификува осомничените, јавија локалните медиуми.