ТРИТЕ МОСТА СРУШЕНИ, СЕВЕРОДОЊЕЦК ОТСЕЧЕН Битката ќе биде една од најбруталните кои Европа ги видела
Ден претходно Гајдај рече дека стотици цивили се засолнети во теренот на хемиската фабрика „Азот“, која беше гранатирана од руските сили. Украина упатува сè поитни повици за повеќе западно тешко вооружување за да помогне во одбраната на Северодоњецк.
Последниот трет мост кој го поврзува клучниот град Северодоњецк со остатокот од Украина беше срушен од Русите со што се прекинати патиштата за евакуација на граѓаните. Според украинскиот претседател Володимир Зеленски битката која се води во градот ќе биде запаметена „како една од најбруталните кои Европа некогаш ги видела“. Аналитичарите сметаат дека од битката ќе зависи судбината на регионот Донбас, пишува Нова.
Додека украинските сили вчера објавија дека биле истиснати од центарот на градот, Ројтерс објави дека руските трупи „се обидуваат да се зацврстат во централниот дел на градот“.
BREAKING: Photos show that the last
bridge connecting Severodonetsk & Lisichansk has been destroyed, trapping any remaining Ukrainian forces in the Industrial works. pic.twitter.com/BRFoxZ9VXd— The Silksworth Post (@SilksworthPost) June 12, 2022
All main bridges to #Severodonetsk destroyed
Condition of the yellow marked bridge unknown#Ukraine– forces probably without supplies now pic.twitter.com/CzncRPaG7V— C4H10FO2P (@markito0171) June 12, 2022
– Ситуацијата во Северодонецк е крајно отежната – Русите уништуваат високи згради и (фабриката) Азот – рече Сергеј Гајдај, гувернер на областа Луганск, во објава на Телеграм.
Ден претходно Гајдај рече дека стотици цивили се засолнети во теренот на хемиската фабрика „Азот“, која беше гранатирана од руските сили. Украина упатува сè поитни повици за повеќе западно тешко вооружување за да помогне во одбраната на Северодоњецк.
Русија конечно постигна напредок околу Харков
Британското Министерство за одбрана објави нов извештај на своите разузнавачи за ситуацијата во Украина. Во новиот извештај се наведува дека руските сили постигнале „мал напредок“ околу североисточниот град Харков за прв пат во последните недели. Разузнавањето посочува дека руските сили сè уште се главно фокусирани на освојувањето на Северодонецк во источна Украина.
Дете загина во гранатирање на пазар и на болница
Проруските сепаратисти од Доњецк тврдат дека во вчерашното гранатирање на пазар и породилиште загинале пет лица, меѓу кои и едно дете. Бројот на повредени е најмалку 22. Руските медиуми тврдат дека гранати паднале на пазарот и болницата чии пациенти биле испратени во подрумот.
Киев не го коментираше нападот.
4/5 The shelling from the side of the Armed Forces of #Ukraine against #Donetsk damaged the building of the hospital.
According to preliminary data, 10 Grad MLRS missiles were fired from #Ukrainian positions in Avdiivka. pic.twitter.com/cSLbATfWKK— Juan Sinmiedo (@Youblacksoul) June 13, 2022
Целта е заштита на ДНР и ЛНР
Главната цел на руската воена операција во Украина е заштита на самопрогласената Доњецка Народна Република и Луганската Народна Република, изјави портпаролот на Кремљ, Дмитриј Песков, пренесе РИА Новости.
– Генерално, заштитата на републиките е главната цел на специјалната воена операција – рече Песков.
Украина ќе добие кандидатски статус за ЕУ?
Порталот Политико цитира неколку неименувани функционери кои тврдат дека Европската комисија ќе препорача Украина да добие официјален статус на земја кандидат за членство во ЕУ. Претседателката на Европската комисија Урсула фон дер Лајен во саботата изјави дека мислењето на ЕУ за барањето на Украина ќе биде објавено до крајот на неделата.