ТРИНАЕСЕТ ГОДИНИ, ЧЕТИРИ МЕСЕЦИ И ДВА ДЕНА Траорниот одговор на мајката на Лаушевиќ на прашањето колку време не го видела синот

Веста за смртта на актерот Жарко Лаушевиќ денеска го потресе целиот регион.

Семејството, пријателите, обожавателите и колегите се збогуваат со него, а покрај тоа што беше голем актер, Жарко покажа дека е и одличен писател.

За престојот во затвор напиша три книги со исповеди, со заеднички поднаслов „Дневник на еден затвореник“, а по нив ја објави книгата „Падре, идиоте“ во која ги опишува деновите од својот живот во слобода.

Во книгата „Сè поминува, па и доживотна“, Лаушевиќ ги опишал и своите родители, а за својот татко напишал дека е „високоморален и честит човек“.

„Тој беше високоморална личност и тивок човек. Тој живееше според законот на христијанската праведност и никогаш не се лутеше на животот. Се трудеше да не покажува емоции“, напиша Лаушевиќ, меѓу другото, пренесува „Пинк.рс“.

Потоа опишал и каква била неговата мајка.

„Мајка ми секогаш беше пресреќна кога бевме сите заедно, а како татко ми, загрижена кога не бевме. И секогаш го броеше времето колку не сме се виделе. Таа веќе беше тешко болна кога ја подготвувале да се сретне со мене во 2013 година, по многу години. Не можеле, мислеле, да сметаат на некоја рационална реакција од неа. Повеќе попатно ја прашувале: „Колку време не си го видела Жарко? Се јавува, богами, секој ден. „А, колку време не си го видела?“, прашале погласно. „Има, богами, доста…“ Малку замолчела, па додала: „Тринаесет години и четири месеци“. Секако, сите околу неа биле шокирани, бидејќи биле убедени дека никогаш повеќе нема да можат да добијат толку сеопфатни информации од неа, кога следел нов шок, бидејќи додала: „И два дена“. Пресметката била до ден точна“, напиша Жарко Лаушевиќ.