Три медицински сестри од Гинекологија се заразиле со коронавирус, директорката и лекар во самоизолација
На Клиниката за гинекологија и акушерство три медицински сестри се позитивни на коронавирусот, а еден лекар и директорката Викторија Јовановска се во самоизолација, потврдуваат од клиниката за Плусинфо.
Тестовите на директорката Јовановска, како и на лекарот кој имал контакт со заразен член на своето семејство биле негативни на коронавирусот, но поради почитување на пропишаните мерки за зашита тие се во самоизолација.
Заболените од вирусот се заразиле преку семеен контакт и веднаш биле изолирани, така што не постои никаква опасност да се пренесе вирусот на клиниката, велат од Гинекологија.