ТРИ МАЛОЛЕТНИ СТРАНЦИ ФАТЕНИ СО ШИШИЊА БЕНЗИН И ПЕТАРДИ Деца уапсени кај Ајватовски рид, се сомничат за подметнување пожари
Малолетниците биле приведени и во присуство на тим од Центарот за социјални работи и адвокат со нив бил извршен службен разговор.
Три малолетни лица странски државјани се фатени од полицијата во доцните вечерни часови кај месноста Ајватовски рид, во близина на скопската населба Илинден, со сомнителни предмети кои можат да се поврзат со подметнување пожар.
Можеби ќе ве интересира
Како што информираат од Министерството за внатрешни работи, полицајци од ЕВР Гази Баба околу 23:40 часот запреле тричлена група и извршиле преглед. Во ранецот на едно од лицата биле пронајдени две шишиња бензин (по 1,5 литри), две петарди, запалка и течен лепак, што веднаш ги вклучило алармите кај полицајците.
Малолетниците биле приведени и во присуство на тим од Центарот за социјални работи и адвокат со нив бил извршен службен разговор. Потоа, тие се предадени на надлежната институција за понатамошна постапка.