ТРИ ЛИЦА ВО КОНГРЕСОТ СВЕДОЧЕА ДЕКА НЛО ПОСТОЈАТ! „Не само што САД имаат делови од леталата, туку и од пилотите“
Третиот сведок е поранешен борбен пилот на морнарицата. Рајан Грејвс раскажа дека морнарицата постојано налетувала на мистериозни летала. Леталата, според него, можеле да останат неподвижни и покрај силните урагански ветрови.
Властите во САД ги поттиснувале и криеле информациите за НЛО, а и ги казнувале свиркачите од високите владини функции кои ќе проговорат за тоа. Ова го тврди еден поранешен разузнавач на американското воено воздухопловство, кој беше еден од тројцата припадници на американската војска кои пред Конгресот сведочеа дека имале контакт со НЛО!
Првиот сведок
Би-Би-Си пренесува дека според Дејвид Граш, американската влада криела докази за НЛО за најмалку десетина локации каде тие објекти во небото биле зебележани. Тој тврди дека американската влада поседува остатоци од НЛО, но и од пилотите на тие вонземски летала.
– Дека воената програма не е за луѓе од Земјата, тоа беше проценката на луѓето со директно знаење за програмата со кои разговарав – рече Граш кој сепак призна дека информациите не му се од прва рака, туку се сведоштва на други луѓе со кои тој контактирал.
Вториот сведок
Вториот сведок, Дејвид Фрејвор, пак вели дека тој имал средба со НЛО во 2004 година. Неидентификуваното летало, според овој пензиоран командант на морнарицата, било во облик на „тик-так“ и ги збунило авијатичарите со своето чудно движење. Според Би-Би-Си снимките за леталото биле објавени во 2017 година, а американската морнарица потврдила дека се работи за НЛО две години подоцна.
Третиот сведок
Третиот сведок е поранешен борбен пилот на морнарицата. Рајан Грејвс раскажа дека морнарицата постојано налетувала на мистериозни летала. Леталата, според него, можеле да останат неподвижни и покрај силните урагански ветрови.
– Ако НЛО се непознати дронови, тогаш тоа е итно прашање на националната безбедност. Ако се нешто друго, тоа е прашање на науката. Во секој случај, неидентификувани летечки објекти се проблем за безбедноста на авијацијата – рече Грејвс.
Конгресот, како што пренесе Би-би-си, на овој начин отворено ја признава посветеноста да ги истражи НЛО-та, откако со години пратениците во САД заинтересирани за оваа тема главно приватно ги спроведуваа своите истраги.