ТРИ ДАМИ И ЕДЕН ГОСПОДИН Еве кој ќе раководи со четирите главни функции во ЕУ
Урсула фон дер Лајен останува претседателка на Европската комисија, Португалецот Антонио Кошта станува претседател на Европскиот совет, Роберта Мецола од Малта останува претседателка на Европскиот парламент, додека на позицијата шефица на дипломатијата на ЕУ доаѓа Каја Калас од Естонија.
По изборите за Европскиот парламент, фокусот се префрли на тоа кој ќе ги заземе четирите клучни позиции во Европската унија, но се чини дека тие позиции се веќе резервирани, пишува бриселски Политико.
Порталот наведува дека имало невообичаено ран консензус за главните позиции, па Урсула фон дер Лајен останува претседателка на Европската комисија, Португалецот Антонио Кошта станува претседател на Европскиот совет, Роберта Мецола од Малта останува претседателка на Европскиот парламент, додека на позицијата шефица на дипломатијата на ЕУ доаѓа Каја Калас од Естонија.
„Ако очекувавте месечни дуели, возбудливи политички акции и бриселски моќници кои вадат остри ножеви за да обезбедат врвни работни места во ЕУ по европските избори, можеби ќе бидете разочарани – пишува Политико.