ТРЕЗОРОТ РАБОТИ И ПО 15 ДЕКЕМВРИ Исплатени се земјоделски субвенции, плати и К-15
Меѓу реализираните налози исто така во текот на изминатата недела се и средства за проекти за самовработување во рамки на Оперативниот план за вработување, како и средства за поврат на придонеси кон заштитни организации
Министерството за финансии соопшти дека продолжува редовната исплата и реализација на доставените налози од буџетските корисници, кои што согласно насоките ги доставуваа налозите до 15 декември 2025 година.
Како што е соопштено, преку трезорот во изминатите неколку денови се исплатени субвенции за зелена нафта, субвенции за овчарство, средства за коридорите 8 и 10 д, исплата на две транши кон Развојната банка за домашните компании, средства за примарна здравствена заштита и други тековни налози.
„Меѓу реализираните налози исто така во текот на изминатата недела се и средства за проекти за самовработување во рамки на Оперативниот план за вработување, како и средства за поврат на придонеси кон заштитни организации“, се наведува во соопштението.