Трет пакет мерки на владата: Платежни картички и ваучери за граѓаните и младите, кредити за бизнисите и поддршка за земјоделците
730.000 граѓани ќе бидат поддржани од владата.
Трет пакет мерки тежок 355 милиони евра со кој се поттикнува потрошувачката и се помага стопанството, а со него ќе бидат опфатени 730.000 корисници, најави денеска премиерот Оливер Спасовски.
Граѓаните кои имаат нето плата до 15.000 денари и лицата кои немаат плата или добиле отказ ќе бидат поддржани од владата преку ваучери и домашна платежна картичка за купување домашни производи и користење на одмор во домашните туристички капацитети. Со оваа мерки како што рече, премиерот, ќе се опфатат 100.000 граѓани.
– Социјално загрозените граѓани кои се невработени односно немаат плата и имаат приходи под 15.000 денари ќе добијат платежа картичка со 9.000 денари за купување домашни производи- рече Спасовски.
Тој соопшти дека картичката ќе може да се користи 30 дена.
Премиерот рече дека сите вработени коишто имаат нето плата помала од 15.000 денари и немале во 2018 година дополнителен приход според УЈП, ќе добијат ваучер за домашен туризам од 6.000 денари и платежна картичка од 3.000 денари. Ваучерот од 6.000 денари ќе може да го употребат за домашен туризам и домашна платежна картичка во вредност до 3.000 денари за купување домашни производи – рече Спасовски.
Тој најви и поддршка за 100.000 младите и студентите.Тие ќе добијат платежна картичка од 6.000 денари и ваучер од 3.000 денари за купување домашни пропизводи.
– Со ваучерите од 6.000 денари ќе се покрива партиципација во факултет или сместувањето на студентски домови од посиромашни семејства.Тие ќе добијат и ваучер од 3.000 денари за купување домашни производи.
Дополнително за младите се обезбедуваат по 30.000 денари за обука тренинзи и курсеви за ИТ и дигитални вештини.
За сите граѓани ќе биде обезбеден викенд без ДДВ во продажните капацитети за гардероба, мебел, бела техника, книги …
– На овој начин поттикнуваме потрошувачка и раст на приходите во одредени сектори како продавници за гардероба, бела техника, мебел, санитарија школски прибор и книги. Очекуваме дополнителен приход од 20 милиони евра кои ќе се слеат во македонското стопанство -рече Спасовски.
Владата обезбедува и паричен надоместок на лицата кои останале без работа од 11 март до 30 април вклучувајќи ги и оние кои потпишале спогодбен отказ, отказ или го загубиле работното место.
Бизнисмените со овој пакет мерки ќе бидат помогнати со бескаматни кредити во износ од 31 милион евра за директна повдршка за иновативност и развој.
– Бескаматни кредити преку развојна банка 31 милион евра ќе се дава на жени кои управуваат со бизниси ивработуваат млади кои ќе добијат и грант од 30 отсто – рече Спасовски.
Државна гаранција за подрршка на стартап компании за земање кредит, за покривање на царински давачки.
Нови 25 милиони евра преку програма за зајакнување нак конурентноста ќе им се доделат на компаниите извознички.
Со владиниот трет сет мерки се опфатени и земјоделците. Тие ќе добијат картички за „зелена нафта“ и дополнителна поддршка.