Трансфер-пазарот во Италија ќе трае од 1 септември до 5 октомври

Трансфер прозорецот во Италија ќе се одржи од 1 септември до 5 октомври, официјално објави италијанската фудбалска федерација.

Пазарот требаше да се отвори на 1 јули и да се затвори на 2 септември, но поради пандемијата на коронавирус, плановите беа променети.

По денешната одлука, италијанските клубови ќе можат да прават договори од 1 септември до 5 октомври.

Зимскиот преоден рок ќе се одржи од 4-ти до 31-ви јануари.