📽️ ТРАМП НЕ ЗАПИРА, САКА ДА СМЕНИ УШТЕ ЕДНО ИМЕ Ново Мексико ќе стане Нова Америка?
Американскиот претседател предложи Њу Мексико да стане „Нова Америка“. Белата куќа ја засили пораката, но гувернерката веднаш возврати дека името не е предмет на преговори.
Претседателот на САД Доналд Трамп најде ново име за уште едно место на картата. Овојпат не станува збор за залив, езеро или теснина, туку американска сојузна држава.
Трамп предложи Њу Мексико да се преименува во „Нова Америка“. На својата социјална мрежа Трут соушл објави карта на која зборот „Мексико“ е прецртан.
„Многу луѓе предложија да го промениме името на Њу Мексико (…) во НОВА АМЕРИКА. Тоа е толку попрестижно и поубаво за жителите на оваа сојузна држава, која има неверојатен потенцијал. Леле, го обожавам тоа!!!“, напиша Трамп.
Засега нема формална постапка за промена на името. За разлика од географските објекти како езерото Онтарио кое беше преименувано во езеро Америка, претседателот не може еднострано да го смени името на една сојузна држава.
Интересен е и патот по кој идејата стигна до Трамп. Пред неговата објава се рашири сатирична интернет-приказна. Таа неточно тврдеше дека претседателот веќе потпишал указ за „Нова Америка“.
Many people suggested changing the name of New Mexico, one of the great vote cheating states of all time, to NEW AMERICA. So much more prestigious and beautiful for the people of that potentially incredible State. Wow, I Love It!!! President DONALD J. TRUMP
( TS: Sep 6 2026,… pic.twitter.com/q9uTdIDFhT
— Commentary Donald J. Trump Truth Social Posts On X (@TrumpTruthOnX) September 6, 2026
Трамп потоа самиот ја прифати идејата и ја објави изменетата карта.
Реакцијата во Њу Мексико беше брза.
„Името на Њу Мексико не е предмет на дискусија, наше е уште од времето пред да постојат Соединетите Американски Држави“, порача гувернерката од Демократите, Мишел Лујан Гришам.
Таа го обвини Трамп дека со ваквите потези го одвлекува вниманието од војната со Иран, цените на горивата и од економските проблеми.
Трамп веќе преименува едно име во САД со поимот „Мексико“. Мексиканскиот Залив стана Американски Залив. Овие промени станаа видливи и на Гугл мапс и на Епл мапс.
Тие важат за американскиот федерален систем. Во Канада, езерото Америка останува езеро Онтарио.
Трамп минатата недела фрли уште една идеја. Предложи Ормускиот Теснец да стане „Трампов Теснец“, но подоцна даде до знаење дека можеби не бил сериозен.