ТРАМП ИСПРАТИ 7 БРОДОВИ, МАДУРО МОБИЛИЗИРАШЕ МИЛИЦАЈЦИ Венецуела и САД никогаш не биле поблиску до конфликт
Според администрацијата на Трамп, операцијата има цел да ја блокира трговијата со дрога. Но, набљудувачите се сомневаат дека вистинската цел е режимот на Мадуро. Аналитичарите се согласуваат дека сценариото најверојатно не вклучува директен напад, туку засилен психолошки и економски притисок.
Американскиот претседател Доналд Трамп нареди распоредување воена флота кон брегот на Венецуела — 7 бродови, меѓу кои 3 уништувачи, нуклеарна подморница и 2.200 маринци, јави Ројтерс. Некои дипломати предупредуваат дека сценариото личи на Панама 1989 година, кога САД го урнаа диктаторот Мануел Нориега во масовна воена операција.
Дали САД се блиску до војна со Венецуела? Аналитичарите се согласуваат дека сценариото најверојатно не вклучува директен напад, туку засилен психолошки и економски притисок врз владата на претседателот Николас Мадуро.
Мозокот зад операцијата е Рубио
Нова стратегија на САД ја води државниот секретар Марко Рубио, влијателен кубанско-американски сенатор. Тој верува дека режимот на Мадуро опстојува поради кубанска разузнавачка поддршка, додека Каракас ѝ плаќа на Хавана со евтина нафта.
– Ова е прва фаза од чистење на хемисферата – изјави Артур Естопинан, поранешен соработник на политичката менторка на Рубио, Илјана Рос-Лехтинен.
Според администрацијата на Трамп, операцијата има цел да ја блокира трговијата со дрога. Но, набљудувачите се сомневаат дека вистинската цел е режимот на Мадуро.
– Ова е 105 % за борба против нарко-тероризмот, но ако Мадуро падне, никој нема да плаче – изјави висок американски функционер за „Аксиос“.
Удвоена наградата за фаќање на Мадуро
Претседателот Мадуро одговори на американското распоредување со мобилизација на 15.000 војници на западната граница и активирање на цивилната милиција низ целата земја.
– Нема шанси тие да влезат во Венецуела. Денес сме посилни од вчера. Подготвени сме да ги браниме мирот, суверенитетот и територијалниот интегритет – рече тој.
Во меѓувреме, Вашингтон ја удвои наградата за фаќање на Мадуро од 25 на 50 милиони долари. Истовремено, им дозволи на неколку нафтени компании, вклучително и „Шел“, повторно да соработуваат со Венецуела.
Според амбасадата на Венецуела во Обединетите Нации „ова е масивна пропагандна операција“.
Во игра се и агресивни опции?
Иако инвазија не е целосно исклучена, американските власти разгледуваат други „агресивни сценарија“: потопување на шверцерски бродови, воздушни удари врз нарко-картели во џунглата и можен напад врз руската фабрика за муниција во Венецуела.
Некои кругови дури не ја исклучуваат можноста за напад со дрон врз Мадуро, кого САД го третираат како терорист.
– Претпоставката е дека Мадуро нема вистински лојални луѓе околу себе, освен оние што може да ги купи. Можеби ќе си замине, можеби Кубанците нема да му дозволат, а можеби ќе си замине во вреќа за мртовци – изјавил еден советник на Трамп.