ТРАМП ДО ПЕТОК ЌЕ СЕ НАЈДЕ ЗАД РЕШЕТКИ? Официјални лица велат дека сам ќе се предаде

Поранешниот американски претседател Доналд Трамп ќе се предаде во затворот во округот Фултон во Џорџија до крајот на следната недела, објави телевизијата Ен-би-си, повикувајќи се на три неименувани официјални лица.

Тие изјавија дека предавањето нема да се случи пред четврток и дека плановите се финализираат, но дека сѐ уште ништо не е официјално. Обвинителката на округот Фултон, Фани Вилис пред неколку дена ѝм даде рок на Трамп и на неговите наводни соработници до следниот петок да се предадат.

Поранешниот претседател и неговите соработници се обвинети за обид да се поништат резултатите од претседателските избори во 2020 година, на кои Трамп загуби од актуелниот американски претседател Џозеф Бајден.