Трамп бара државата да преземе акции од компаниите на кои им дава помош

Американскиот претседател Доналд Трамп изјави дека Владата би требало да преземе дел од акциите во компаниите, кои финансиски би ги помогнала поради пандемијата со новиот коронавирус.

Тој навде дека борбата против Ковид-19 е „медицинска, а не финансиска војна“.

Предлогот на Трамп беше оценет како невообичаено мешање на државата во приватниот сектор. Републиканците во Конгресот изразија загриженост дека тоа би можело да доведе до ситуација во која Владата бира победници и губитници.

– Ќе и помогнеме на авиоиндустријата. Ќе ја помогнеме индустријата за крузери, најверојатно и хотелиерите и малите фирми – посочи Трамп.

Тој, исто така додаде дека федералната помош не реба да ја користат компаниите за да ги откупат своите акции.