📽 ТРАМП ЈА НАРЕЧЕ ОДВРАТНА БИСКУПКАТА КОЈА ГО ПРОЗВА Маријан Бад побара од претседателот милост за странците
Нашиот Бог нè учи дека треба да бидеме милосрдни кон странецот. Има геј, лезбејки и трансродови деца во демократски, републикански и независни семејства, некои се плашат за своите животи, рече бискупката гледајќи кон новиот американски претседател на богослужбата во Вашингтон.
Доналд Трамп денеска ја нарече бискупката од Вашингтон, Маријан Едгар Бад, „одвратна“ и радикална левичарка и побара да се извини откако таа му кажа на американскиот претседател дека сее страв меѓу мигрантите и ЛГБТК луѓето.
„Таа го внесе светот на политиката во нејзината црква на многу нељубезен начин. Таа говореше со одвратен тон, беше неубедлива и неинтелигентна, напиша Трамп откако присуствуваше на богослужбата во националната катедрала во Вашингтон, предводена од епископскиот бискуп Маријан Едгар Буде.
Во понеделникот, откако по вторпат положи претседателска заклетва, Трамп потпиша извршни наредби за суспендирање на пристигнувањето на барателите на азил и протерување на илегалните мигранти од земјата. Тој, исто така, донесе одлука да се признаат само два рода – машки и женски.
Бискупката Бад на мисата побара од Трамп „да има милост за мигрантите и за ЛГБТК лицата“.
We know several Catholic Churches in DC who celebrate mass without self-important bishops lecturing its congregants with disgusting rants about “transgender children” better suited for a Rachel Maddow monologue on MSNBC
The Trump family handled this disgrace with total class. pic.twitter.com/OM30ghFZhC
— CatholicVote (@CatholicVote) January 21, 2025
– Те молам, имај милост. Господине Претседател, за оние во нашите заедници чии деца се плашат дека нивните родители ќе бидат одземени од нив, како и да им помогнеме на оние кои бегаат од воените зони и прогонството во нивните земји да најдат сочувство и добредојде овде. Нашиот Бог нè учи дека треба да бидеме милосрдни кон странецот. Има геј, лезбејки и трансродови деца во демократски, републикански и независни семејства, некои се плашат за своите животи – рече Бад.
Трамп подоцна во објавата на Truth Social напиша: „Покрај нејзините несоодветни изјави, богослужбата беше многу досадна и неинспиративна. Таа не е многу добра во својата работа! Таа и нејзината црква ѝ должат на јавноста извинување!“, напиша Трамп.