Трамп ја губи привилегијата на Твитер, а ѝ под притисок е да го признае поразот

Американскиот претседател Доналд Трамп ќе го изгуби својот „посебен третман“ на социјалната мрежа Твитер на 20 јануари, кога Џозеф Бајден ќе ја преземе функцијата. Исто така акуелниот претседател на САД е под притисок од администрацијата да го признае поразот на изборите.

Американската компанија соопшти дека налогот на Доналд Трамп, по истекот на неговиот мандат како претседател на САД, ќе се третира според истите правила како и секој друг налог, бидејќи посебниот третман важи само за актуелните светски лидери.

Твитер бриши се што не е во согласност со нивните правила, а тоа не се однесува на светските лидери. Нивните твитови, во случај на прекршување на правилата на компанијата, не се бришат, туку се скриени и означени како „од јавен интерес“.

– Оваа политика се однесува на актуелните светски лидери и кандидати за функции, но не и за граѓаните, приватните лица, кои престануваат да заземаат некои позиции, рече портпаролот на Твитер.

Твитер викендот обележа голем број твитови на Доналд Трамп со знак за предупредување, кои зборуваат за наводна изборна измама, па дури и претходно во случајот со Трамп, тие мораа често да го користат ова предупредување.

Претседателот на САД, Доналд Трамп исто така се соочува со притисок да соработува со тимот на новоизбраниот претседател Џо Бајден за да се направи што е можно полесно предавање на власта во јануари, пренесуваат американските медиуми.

Општата служба на администрацијата на Трамп има за задача официјално да го признае Бајден за претседател, со што би започнал трансферот на власта.

Сепак, членот на администрацијата на Трамп, Емили Марфи сè уште не го започнала процесот, ниту добила насоки дали и кога да го стори тоа.

Како што пренесуваат американските медиуми, неизвесноста околу трансферот на власта зависи од тоа дали Трамп, кој јавно не го призна Бајден за 46-ти претседател на Соединетите Американски Држави, со тврдење дека изборите се украдени, ќе ги попречи демократите во формирањето на владата.

Одборот на непартискиот Центар за претседателска транзиција, исто така, апелираше до администрацијата на Трамп да започне со пренесување на власта на Бајден и неговиот тим што е можно поскоро.