🎥 ТРАМП ЈА БРАНИ КЕЈТ МИДЛТОН ДОДЕКА ВИЛИЈАМ МОЛЧИ Тоа сите го прават, а неа ја напаѓаат!
Доналд Трамп кој и самиот беше обвинет дека побарал од владини претставници да „кропираат“ фотографија од толпата за време на инаугурацијата на американскиот претседател во 2017 година, има разбирање на корегираната фотографија на Кејт Мидлтон.
Поранешниот американски претседател Доналд Трамп застана во одбрана на Кејт Мидлтон од нападите на јавноста. Тој истакнува дека спорот што се појави во врска со изменетите фотографии на принцезата од Велс „не треба да биде голема работа“ бидејќи денес „секој си ги менува своите фотографии“, а во исто време ја повика јавноста да престане да ја критикува Кејт.
Дејли Телеграф наведува дека Трамп со тоа се вклучил во дебатата за фотографијата на британската принцеза со нејзините деца, по чие објавување таа објави извинување за компјутерски изменетата слика.
Трамп ова го изјави во интервјуто со водителот на британската ТВ станица GB News и поранешен лидер на партијата Брегзит, Најџел Фараж, кој е еден од неговите сојузници во Европа.
Зборувајќи за изменетата фотографија на принцезата Кејт, Трамп рече дека „сите го прават тоа“.
– Кога ги гледаш тие актери во филмови, а потоа го запознаваш тој актер, се прашуваш: „Дали е тоа истата личност од сликата“? – рече Трамп.
Дејли телеграф потсетува дека тој беше обвинет дека побарал од владини претставници да „кропираат“ фотографија од толпата за време на инаугурацијата на американскиот претседател во 2017 година.
Трамп, наводно, бил фрустриран што повеќе луѓе биле фотографирани на претходната инаугурација на демократскиот претседател Барак Обама.
Според мислењето на Трамп, јавноста треба да престане да ја критикува принцезата од Велс за „ситна“ промена на фотографијата со децата, за која британскиот весник потсетува дека ги поттикнала теориите на заговор за нејзиното здравје на Интернет.
– Ја погледнав фотографијата и беше само мала промена. Тоа е тежок период за неа, а знаете дека толку многу ја напаѓаат – изјави Трамп.
Кејт Мидлтон која по опреацијата во јануари не се појавува во јавноста, ја презеде одговорноста за уредената фотографија и со порака се извини за „забуната“ што ја предизвикала. Иако малку кој верува дека покрај сите служби на британскиот кралски двор, принцезата од Велс сама ги креира објавите, сепак одговорноста е префрлена на неа. Во скандалот што стана вест број еден во светските медиуми, чуди молкот од Кесингтонската палата и уште повеќе фактот што дури ни принцот Вилијам не ја заштити својата сопруга од очекуваните напади од јавноста за уредената фотографија.