ТРАГЕДИЈА ВО СТОКХОЛМ Се урна монтажен лифт на градилиште, загинаа најмалку пет лица

Најмалку пет лица загинаа кога монтажен лифт се урна на градилиште во предградие на Стокхолм. Шведското обвинителство покрена истрага за несреќата.

„Во прашање е кривично дело што резултира со смрт на работното место, вклучително и дело предизвикување смрт на друго лице“ – се вели во соопштението на обвинителството.

Сѐ уште се работи на идентификација на жртвите, а во тек е техничка истрага на местото на несреќата.

Шведската полиција првично соопшти дека најмалку четири лица се повредени при уривање на лифт од висина од 20 метри, но подоцна е утврдено дека во несреќата има и жртви.