Трајанов: Партијата што ќе прифати премиер Албанец треба да се избрише од политичката сцена

Павле Трајанов, претседател на Демократскиот сојуз, дел од коалицијата на СДСМ во вечерашната „Само вистина“ во Канал 5 телевизија рече дека барањето за премиер Aлбанец не е прифатливо.

Трајанов вели дека вo ДУИ се реални и тие знаат дека идејата за премиер Албанец нема да помине.

– Таа партија што ќе прифати таква уцена мислам дека треба да се избрише од политичката сцена, но тоа нема да го направи ниту СДСМ, ниту ВМРО-ДПМНЕ, без разлика дали е голем притисокот за да се направи влада, таква уцена од ДУИ нема да биде прифатена – вели Трајанов.

Трајанов вели дека од коалицијата со СДСМ бара да се земат предвид три важни барања за неговата партија, како и тоа дека се чека да се види што ќе биде производ на преговорите со ДУИ, но дека СДСМ нема бланко поддршка од страна на Демократскиот сојуз, а доколку не бидат исполнети барањата може да се отповика поддршката кон СДСМ.