ТОПЛО ЗА ОВОЈ ПЕРИОД ОД ГОДИНАТA Сонцето и денеска ќе нè служи

Времето денеска ќе биде променливо облачно со сончеви периоди, а по котлините магливо. Ќе дува слаб до умерен ветер од јужен правец. Температурите ќе бидат во интервал од -3 до максимални 14 степени.

Во Скопје се очекува променливо облачно време, магливо и претежно тивко. Температурите ќе бидат во интервал од 1 до максимални 10 степени.

Во следните денови времето ќе биде релативно топло за овој период од годината, а по котлините магливо и постудено. Во среда попладне, во вечерните часови и во текот на ноќта кон четврток ќе има повремени врнежи од дожд со слаб до умерен интензитет.