Томи Џагора: Побегнавме од урбаниот хаос во нова приказна – станавме производители на микросалати
Во последно време не може да се види убава чинија со храна која не ја красат прекрасни млади билки во различни бои и форми, како од друга планета. Нашиот соговорник е првиот регистриран производител на микросалати во Македонија и снабдувач на нашите најдобри готвачи кои точно знаат што е круната на секоја добра чинија со храна
Нашиот соговорник Томи Џагора и неговата сопруга се родени, пораснати и долго време живееле во центарот на Скопје. Тој е дипломиран агроном кој, како што вели, веднаш по дипломирањето, за жал, многу кратко време, имал можност да работи во струката. Но желбата еден ден повторно да ѝ се посвети на професијата, и тоа на еден уште поубав начин, никогаш не ја снемало.
„Со мојата фамилија сме големи љубители на природата. Иако и јас и мојата сопруга сме родени и живеевме во строгиот центар на Скопје, тоа не беше пречка, напротив, ни беше предизвик и желба уште пред повеќе од десетина години да избегаме од урбаниот хаос. Се преселивме во приградската населба Соње, во тогашната викендица на мојот татко. Со текот на времето изградивме и оформивме фамилијарен дом, токму на 660 метри надморска височина“, раскажува Томи.
Прочитајте го целиот текст на порталот „Арт кујна“.