ТОКСИКОЛОГИЈА ТОНЕ ВО СКАНДАЛИ Самоволието на организациската директорка нема крај, реагираат од ВМРО-ДПМНЕ

Самоволитето на организацискиот директор и низата неправилности на Клиниката за токсикологија нема крај. Изминатата ноќ пукнала цевка од парното на оваа Клиника односно повторно се потврдува дека воопшто не се инвестира во постојната инфраструктура на Клинички центар, додека во исто време оваа Клиника не е осигурана, реагираат од Комисија за здравство на ВМРО – ДПМНЕ во објава на Фејсбук.

„Дали се точни информациите дека економската директорка Иљази за два месеци го зголемила долгот за два милиони денари?

Дали воопшто доаѓа на работа економската директорка и со кои компетенции и работно искуство доаѓа на оваа позизија?

Дали се точни информациите дека поради одбивање да потпише согласност за договор на дело за двајца дипломирани биолози, токсиколошката лабараторија веќе два месеци не врши валидација на издадените резултати?

Дали се точни информациите дека организациската директорка одбива да го потпише осигурувањето на опремата на на клиника за Токсикологија и со самото тоа го загрозува функционирањето на клиниката, и го става во ризик и животот на хоспитализираните пациенти и на вработените?“ – прашуваат од Комисијата за здравство на ВМРО-ДПМНЕ.

Од ВМРО-ДПМНЕ посочуваат дека ќе се залагаат за дуализмот и за укинување на организациските директори на клиниките.

„Крајот се приближува на ваквото незаконие. ВМРО -ДПМНЕ во Платформата 1198 се обрзува дека ќе стави крај на ваквиот дуализам и укинување на организациските директори на клиниките. Ќе воведеме мерит систем и избор по комепетнтност и способност. Со оваа мерка и укинување на управните одбори ќе заштедиме средства кои вистински ќе се пренасочат за потребите на здравствениот систем“ – се наведува во објавата од Комисија за здравство на ВМРО – ДПМНЕ.