ТОА Е НЕСПОРНО Полицијата потврди, имало пропусти во обезбедувањето на Шинзо Абе
Началникот на полицијата на градот Нара не кажа за кои конкретни пропусти станува збор, но вети дека ќе ги преземе неопходните мерки за истрагата.
Имаше пропусти во обезбедувањето на поранешниот јапонски премиер Шинѕо Абе, кој беше убиен за време на предизборен митинг, изјави денеска началникот на локалната полиција Томоаки Онизука.
– Мислам дека е неспорно дека имало проблеми со мерките за обезбедување на поранешниот премиер Абе – изјави на прес конференција началникот на полицијата на префектурата на градот Нара.
Можеби ќе ве интересира
Тој вети дека ќе ги преземе сите неопходни мерки за истрагата.
Сепак, Онизука не кажа за кои конкретни пропусти станува збор.
Абе беше застрелан од напаѓач за време на говор во Нара, по што бил пренесен во болница, каде што починал. Полицијата го привела напаѓачот, кој ја признал вината.