🎥 „ТОЈ НЕ МИСЛЕШЕ ДЕКА ЌЕ МИ ГО БАКНУВА ЗАДНИКОТ“ Трамп се потсмева со саудискиот принц Мохамед бин Салман
Мислеше дека се работи за само уште еден американски претседател губитник, со земја што оди на удолница. Но, сега мора да биде добар кон мене... Кажете му, подобро да биде добар кон мене, мора да биде, рече американскиот претседател Доналд Трамп за саудискиот принц Мохамед бин Салман.
Американскиот претседател Доналд Трамп упати невообичаено директни коментари за саудискиот престолонаследник Мохамед бин Салман, велејќи дека саудискиот принц сега мора да се однесува кон него поинаку, отколку со претходните американски претседатели.
Во својот говор во Мајами синоќа Трамп рече дека престолонаследникот не очекувал политички да зависи од него. Додаде дека саудиското раководство некогаш го сметало американското раководство за слабо, ама сега мора да се однесува добро кон него.
– Тој не мислеше дека ова ќе се случи. Не мислеше дека ќе ми го бакнува задникот, навистина не мислеше… Мислеше дека се работи за само уште еден американски претседател губитник, со земја што оди на удолница. Но, сега мора да биде добар кон мене… Кажете му, подобро да биде добар кон мене, мора да биде – рече Трамп за саудискиот принц.
President Trump mocks Saudi Arabia’s Crown Prince Bin Salman:
“He didn’t think he would be kissing my ass, he really didn’t…and now he has to be nice to me….he better be nice to me, he’s gotta be..” pic.twitter.com/42TLKf0zsN
— South Asia Index (@SouthAsiaIndex) March 28, 2026
Ваквите коментари се во контекст на конфронтативниот политички стил на Трамп, особено со оглед на позицијата на Саудиска Арабија како еден од најважните безбедносни и енергетски партнери на Вашингтон во регионот на Блискиот Исток.
Саудиска Арабија и Иран долго време се натпреваруваа за влијание на Блискиот Исток. Според претходен извештај објавен од „Гардијан“, саудиските разузнавачи верувале дека Ријад има ретка стратешка можност да ја преобликува регионалната моќ во случај САД да го собори иранскиот режим.
Претходно протечена белешка од американскиот Стејт департмент откри дека саудиското раководство силно го охрабрило Доналд Трамп да преземе агресивни мерки против Техеран, за време на претходните фази од нападот врз Иран.
Во моментов нема потврдени индикации за директно вклучување на саудиската војска, откако започнаа борбите минатиот месец. Некои аналитичари велат дека Ријад внимателно ги следи дипломатските напори и би можел да се вклучи поактивно, ако сегашните напори за посредување на Пакистан не успеат. Администрацијата на Трамп, исто така, врши притисок врз Саудијците официјално да ја признаат државата Израел, што би имало огромен ефект врз регионот.