ТИЕ КРАДАТ И ЗАТОА НИЕ НЕМАМЕ ПОВИСОКИ ПЛАТИ Мицкоски објави нови коруптивни договори на градоначалниците од СДСМ

Претседателот на ВМРО-ДПМНЕ Христијан Мицкоски, порача дека обвинителството слободно може по допрен глас да реагира по објавените афери за функционери на СДСМ, објавени од неговата партија.

– Обвинителството нека не контактира а ние ќе им ги дадеме сите документи. И не само за Општина Бутел, туку и за Кисела Вода, и за Гази Баба и за сите други општини каде во изминативе години градоначалници беа од СДСМ. Ете како се пљачкосувал народот и затоа неме пари за плати. Во Гази Баба, градоначалникот се потпишал на документ за купување на кабел од 4 по 35 кој го купува за 60 денари, а двојно помал кабел купува за 490 денари. Вака се краде Македонија, како што во РЕК битола со мазутот. Во периодот што следува ќе објавиме се што знаеме- изјави Мицкоски

Мицкоски претходно истакна дека ВМРО-ДПМНЕ го поднел амандманот за Законот за минимална плата, со кој се бара скалесто зголемување на платите, по основ на новиот износ на најниската плата. Тој посочи дека нема да биде битно по чија заслуга ќе бидат покачени платите, доколку вработените во земјава земаат повисоки плати.

– Бараме износот на коефициентите и вредноста на бодот на колективните договори на сите нивоа и во сите области да се усогласи со порастот на минималната плата при што скалесто се зголемуваат платите, каде основната вредност на најнискиот коефициент и бод се изедначува со износот на минималната плата – изјави Мицкоски.

Тој ја праша и владејачката структура, зошто по поразот на локалните избори, биле намалени дотации што на годишно ниво Владата ги исплаќала до општините.