ТИ БЛАГОДАРАМ МНОГУ ПРИЈАТЕЛЕ Нов гаф на Бајден, тој го заборави името на австралискиот премиер (ВИДЕО)
Чест ми е што имам со мене двајцата најблиски сојузници на Австралија, Австралија и Обединетото Кралство, кои започнаа нова фаза од трилатералната безбедносна соработка - изјави претседателот на САД.
Американскиот претседател Џо Бајден го заборави името на австралискиот премиер Скот Морисон, па го нарече „тој човекот одоздола“ за време на прес-конференцијата на која беше претставен историскиот договор за безбедност со Австралија и Велика Британија.
Откако ги објави деталите за трилатералното партнерство чија цел е да се спротивстави на регионалното влијание на Кина, Бајден се сврте кон екранот на кој британскиот премиер беше поврзан преку видео врска и рече: „Благодарам Борис“.
Кога се сврте кон екранот на кој беше Скот Морисон, почна да се двоуми.
– Сакам да му се заблагодарам и на тој човекот одоздола. Многу ти благодарам, пријателе – рече Бајден.
US President Joe Biden appeared to forget Prime Minister Scott Morrison’s name during this morning’s historic announcement of a new defence pact.
Biden said “I wanna thank that fella down under” after thanking UK Prime Minister Boris Johnson.https://t.co/a9AwdxnrYj#9News pic.twitter.com/0aULXfJJS2
— 9News Australia (@9NewsAUS) September 15, 2021
Веднаш потоа, Бајден направи уште еден лапсус.
– Чест ми е што имам со мене двајцата најблиски сојузници на Австралија, Австралија и Обединетото Кралство, кои започнаа нова фаза од трилатералната безбедносна соработка – изјави претседателот на САД.
Американскиот претседател, повторно заблагодарувајќи им се на колегите, конечно се сети на името на австралискиот премиер.
– Како што рекоа премиерот Морисон и премиерот Џонсон, сакам да ви се заблагодарам за ова партнерство – рече Бајден
Сепак, беше предоцна и на Твитер веќе се појави хаштаг наречен „тој човекот одоздола“.