ТЕТОВСКИТЕ ПОЖАРНИКАРИ ЦЕЛА НОЌ ГАСНЕА ПОЖАР Изгоре напуштена куќа кај Саат Џамија

Дури цели четири часа во текот на ноќта, тетовските пожарникари гаснеле пожар во куќа на улицата „Тодор Ципоски-Мерџан“, во близина на Саат Џамија, пренесува ТВ21.

За среќа, нема повредени луѓе во пожарот.

– Пожарот избувна во куќа во која никој не живеел и била напуштена, при што немаше повредени. Од наша страна е интервенирано во  02.55 часот, целосно завршено беше гаснењето во 6.50 часот – изјавил Авни Амети, комендант на тетовските пожарникари за медиумите.

На овој голем пожар интервенирале 12 пожарникари, со четири возила.