ТЕТОВО КУРТУЛИ ОД ДВАЕСЕТИНА ЗГРАДИ И ТРГОВСКИ Контроверзен црногорски бизнисмен бил инвеститорот
Советниците од ДУИ и СДСМ не учествуваа во гласањето, односно станаа од нивните места во Советот и седнаа во делот предвиден за јавноста и за граѓаните.
Контроверзниот црногорски бизнисмен Миомир Дака Давидовиќ и група инвеститори нема да може да изградат дваесетина згради и трговски центар на местото на некогашниот шумарски комбинат „Јелак“ во Тетово. ДУП-от од времето на екс-градоначалничката Теута Арифи кој го предвидуваше ова беше стопиран во градското собрание од страна на БЕСА, Алијанса за Алабнците и ВМРО-ДПМНЕ, пишува СлободенПечат.
Советниците од ДУИ и СДСМ не учествуваа во гласањето, односно станаа од нивните места во Советот и седнаа во делот предвиден за јавноста и за граѓаните.
„Суспендиран ДУП-от за ШИК Јелак на контроверзниот Дака Давидовиќ. Правдата победува, ги остваруваме ветувањата! Би сакал да честитам за оваа храбра одлука на Градоначалникот на Тетово Билал Касами како и мнозинството во Советот составено од политичките партии БЕСА, ВМРО-ДПМНЕ, Алијанса за Албанците како и независните Подобро за Тетово кои ја донесоа оваа одлука“, објави потпретседателот на ВМРО-ДПМНЕ, Александар Николоски, видно задоволен од одлуката.
Според него, суспендирањето на овој ДУП „зад кој стои контроверзниот српски бизнисмен Дака Давидовиќ“ покажува дека „промените носат правда“.