Тетовец олеснет за 450 евра со лажна понуда за работа во Канада

Дваесет и седумгодишник од Тетово во полицијата пријавил дека бил измамен од човек кој му ветувал престој и работа во Канада, за што уплатил 28 илјади денари. Тетовец преку електронска пошта добил понуда во ноември 2019 година.

„Лице кое се претставило како С.Б., од консултантска фирма од Канада на А.С. (27) од Тетово му испратил понуда за престој и работа во Канада. Според пријавата С.Б. требало да им ја достави потребната документација, како и бројот од кредитната картичка на А.С од која ќе ја повлечат потребната сума на пари, а тие ќе му ја пополнат апликацијата и за период до шест месеци ќе биде известен за аплицирањето“, информира СВР Тетово.у

Тетовецот набргу од банката бил известен дека од неговата сметка биле повлечени 27.850 денари.

„Откако поминало повеќе време од најавеното без да добие повратен одговор, сфатил дека бил измамен, па вчера го пријавил случајот“, инфомираат од СВР Тетово.

Сега полицијата презема мерки за целосно расчистување на случајот.