ТЕШКО ПОВРЕДЕН ХОЛАНЃАНЕЦ ВО ОХРИДСКОТО ЕЗЕРО Како удрил во карпите ќе каже кога ќе се освести

Турист од Холандија бил тешко повреден во Охридско Езеро и со кајче бил пренесен до пристаништето, а оттаму до охридската болница.

Во моментов нема повеќе информации како се случила несреќата во која туристот удрил во камен, лицето е во бессознание и повеќе информации се очекуваат за подоцна.

„Преку Единствен повикувачки број за итни повици 112 во околу 12.00 часот е добиена дојава за повредено лице кое удрило во камен во Охридското Езеро и истото со кајче се пренесува до пристаништето на хотелот Александрија во Охрид“, информираат од ЦУК.

Оттаму додаваат дека веднаш е известена Итна медицинска помош и од нивна страна во моментот се презема лицето, по што истото ќе биде пренесено во болница во Охрид.

„Повреденото лице од Холандија кое удри во камен во Охридско езеро е превземено од Итна медицинска помош е надвор од животна опасност и истото е пренесено во Општа болница во Охрид на одделот за хирургија“, информира РЦУК – Охрид.