ТЕШКО Е ОТКАЖУВАЊЕТО ОД ЈАГЛЕНОТ Годинава се потрошени рекордни 8,53 милијарди тони во светот
Потрошувачката во Кина скокна за 220 милиони тони (4,9%) во однос на 2022 година, во Индија за 98 милиони тони (8%), а во Индонезија за 23 милиони тони (11%). Во Европа е забележено намалување од 107 милиони тони или 23%, како и во САД каде е регистриран пад од 95 милиони тони или 21%.
Во 2023 година побарувачката на јаглен во светот достигна 8,53 милијарди тони, што е историски рекорд, соопшти денеска Меѓународната агенција за енергија (ИЕА).
„Од 2024 година, глобалната потрошувачка на јаглен треба да покаже тенденција на намалување“, проценува ИЕА.
Прогнозата е објавена два дена по завршувањето на 28-от меѓународен климатски состанок на ОН во Дубаи, каде што беше упатен апел да се напуштат изворите на фосилни горива како дел од борбата против глобалното затоплување.
ИЕА ја нагласува силната побарувачка за јаглен во Азија.
Годинава потрошувачката во Кина скокна за 220 милиони тони (4,9%) во однос на 2022 година, во Индија за 98 милиони тони (8%), а во Индонезија за 23 милиони тони (11%).
Од друга страна, потрошувачката е помала во Европа, каде што се бележи ненадеен пад од 107 милиони тони или 23%, како и во САД каде е регистриран пад од 95 милиони тони или 21%.