ТЕШКА ВЕЧЕР ЗА МОМЦИТЕ НА ЛАЗАРОВ Алкалоид се враќа со минус 10 од Германија
Алкалоид загуби со високи 37-27 на гостувањето кај Хановер, а реваншот во Скопје ќе биде вистински тест за карактерот на тимот на Кирил Лазаров.
Со десет голови негатива (37-27) се враќаат ракометарите на Алкалоид од првиот натпревар во квалификациите за Европската лига против германскиот Хановер – Бургдорф.
Избраниците на селекторот Кирил Лазаров добро се држеа во првиот дел, но не искористија голем број зицери и на одмор заминаа со четири голови негатива (19-15).
Во продолжението, Алкалоид ја одржуваше истата разлика до средината на второто полувреме, кога бундеслигашот направи клучна серија од 7-3 и стигна до убедлива предност (30-22). До крајот, германскиот тим ја зголеми предноста и ја затвори средбата со високи плус десет.
Најефикасен кај македонскиот претставник беше исланскиот бек Тордарсон со 10 погодоци, а Галевски се истакна со осум одбрани.
Реваншот е закажан за 6 септември во СЦ „Борис Трајковски“ во Скопје, со почеток во 19:30 часот, каде Алкалоид ќе има задача да се обиде да ја анулира големата разлика.