ТЕШКА НЕСРЕЌА ВО ЦЕНТАРОТ НА СКОПЈЕ Работник тешко повреден пред Филхармонијата
44-годишен маж бил донесен во болница со сериозни повреди додека извршувал работни задачи пред објектот на Македонската филхармонија, трудова инспекција го испитува случајот
44-годишен работник од скопското село Никиштане е пренесен во болница со тешки повреди откако се повредил за време на извршување работни задачи пред објектот на Македонската филхармонија во центарот на Скопје.
Инцидентот се случил вчера околу 08:40 часот, кога од Градската општа болница „Св. Наум Охридски“ ја известиле полицијата дека кај нив е донесен повредениот Р.Ј. (44).
Можеби ќе ве интересира
Според првичните информации, мажот се здобил со сериозни телесни повреди додека работел пред зградата на Филхармонијата, по што бил итно хоспитализиран.
Од полицијата велат дека случајот е пријавен и дека за настанот е известен надлежен трудов инспектор, кој треба да утврди дали биле почитувани сите безбедносни протоколи при извршувањето на работните задачи.