ТЕПАЛЕ МАЛОЛЕТНИК, ПА ГО УДРИЛЕ СО КОЛА Приведени двајца тинејџери за инцидент во Сарај
Малолетник од скопски Сарај бил нападнат и физички повреден од двајца млади лица, а подоцна е удрен и со автомобил пред трговски центар. Полицијата работи на целосно расчистување на случајот.
Малолетник од скопски Сарај бил нападнат од две лица, кои подоцна го удриле и со возило пред трговски центар, потврдија од Министерството за внатрешни работи.
Според информациите од полицијата, на 10 октомври 2025 година, околу 16:00 часот, во СВР Скопје било пријавено дека пред средно училиште на подрачјето на општина Сарај, малолетник од село Сарај бил физички нападнат од И.С. (18) од село Глумово, општина Сарај, и уште едно лице.
Едниот од напаѓачите, според пријавеното, употребил тврд предмет, со што му нанел повреди на жртвата. Инцидентот не завршил тука — малолетникот подоцна повторно бил нападнат пред трговски центар во Сарај, каде што напаѓачите го удриле со патничко возило „Сеат Леон“.
Од Министерството за внатрешни работи соопштија дека се преземаат мерки за целосно расчистување на случајот и идентификација на сите вклучени лица.