🎥 ТЕНДЕР ОД 800.000 ЕВРА ЗА УЧЕБНИЦИ ЗА КОИ НЕМА НАСТАВНА ПРОГРАМА?! Да се лапало пари на заминување…

По јавната набавка вредна 500.000 евра на фирмата „ТРИМАКС“, за дигитални учебници кои никој не ги користеше, дали сега повторно, на истата фирма ѝ се доделени фантастични 800.000 евра?

Ова прашање на прес-конференција го постави Марија Митева, портпаролка на ВМРО-ДПМНЕ, прецизирајќи дека со новата набавка повторно на истата фирма ѝ се доделуваат средства за дигитални учебници и тоа повторно за 4 одделение, кои веќе беа опфатени со претходната набавка.

– Молкот на МОН за скандалозните јавни набавки за дигитални учебници по странски јазици само го потврдува тоа што го зборуваме – поништуваат јавна набавка со банално образложение, а предвидуваат нова набавка вредна милиони –  истакна Митева.

Состојбата во Министерството за образаование и наука е алармантна, на само еден месец пред заминување од власт, ДУИ и СДС прават уште една јавна набавка, за дигитални учебници. Единствена разлика е што овој пат јавната набавка е за дигитални учебници за кои нема наставна програма. Односно, иако наставните програми за 7, 8 и 9 одделение не се објавени, иако учебници за овие одделенија не се направени, сепак се предвидени милионски суми за дигитални верзии.

– Бидејќи МОН молчи, прашуваме директно дали и овој тендер планираат да го поделат со истата фирма, или дали овој пат тоа планираат да го сторат со Арс Студио, фирмата која доби тендер за фантастични 5 милиони евра за превод на учебници? – рече Митева.