ТЕЛЕФОНСКИ ПОВИК ШЕЌЕРИНСКА-СИЉАНОВСКА ДАВКОВА Закажана е средба за в петок
Сметам дека е најдобро лично да ѝ изразам честитки на госпоѓата Шеќеринска за престижната функција, која е од големо значење, не само за неа, туку и за државата, напиша македонската претседателка на Фејсбук.
Претседателката Гордана Сиљановска Давкова објави дека в петок ќе се сретне со Радмила Шеќеринска за лично да ѝ честита за функцијата заменик генерален секретар на НАТО.
Можеби ќе ве интересира
„Дозволете, да Ве информирам дека утрово беше остварен телефонски разговор со госпоѓата Радмила Шеќеринска-Јанковска. Во разговорот ѝ е упатена покана за средба со цел да ѝ го честитам изборот за заменик-генерална секретарка на НАТО. На предлог на госпоѓата Шеќеринска, средбата ќе се одржи во петок, во 10 часот. Сметам дека е најдобро лично да ѝ изразам честитки за престижната функција, која е од големо значење, не само за неа, туку и за државата“, напиша македонската претседателка на Фејсбук.