ТЕЈЛОР СВИФТ НА МАКИ Ја тужат за плагијат, дали ја воочувате сличноста? (ВИДЕО)

Глобалната музичка ѕвезда Тејлор Свифт ќе мора да оди на суд за „плагијат“.

Првите проблеми започнале во 2017 година кога Шон Хол и Нејтан Батлер ја тужеа Свифт, тврдејќи дека текстот на нејзиниот хит „Shake It Off“ е преземен од песната „Playas Gon ‘Play“ на групата „3LW“, снимена во 2001 година.

Судијата ја отфрлил тужбата во 2018 година, но жалбите на тужителите биле прифатени минатата година и пејачката ќе мора да оди на суд.

Иако судијата Мајкл В. Фицџералд признал дека разликите јасно постојат, тој додаде дека има доволно „објективни сличности“ за да се оправда судењето пред поротата која што на крајот ќе одлучи, објавија американските медиуми.

Проблемот е во текстот „playas, they gonna play, hater, they gonna hat“ од 3LW и „players gonna play, play, play, play, play, and the haters gonna hat, hater, hater, hat, hat“ во песната Тејлор Свифт.

Бидејќи ова е нешто што се користело во секојдневната комуникација и пред и откако се појави во песната 3LW, на многумина им е повеќе од очигледно дека ова е само обид да се заработат пари.

Но, на крајот, сѐ зависи од судијата и од поротата, а проблемот, велат многумина, ќе биде ако одбраната не успее да ја убеди поротата и да ја отвори вратата за другите кои на сличен начин ќе се обидат да го искористат туѓиот успех во иднина.

ФОТО: Јутјуб