ТАЖНА ВЕСТ ВО СЕМЕЈСТВОТО НА ХРВАТСКАТА СНАА НА РОД СТЈУАРТ Почина сестрата на Никол Артукович

Никол Артукович Стјуарт, сопруга на хокеарот Лијам Стјуарт и снаа на рокерот Род Стјуарт, ја објави веста за смртта на својата постара сестра Кристина на Инстаграм.

„Мојата постара сестра доби ангелски крилја и не сум сигурна како би требало да живеам без неа. Таа ми беше апсолутно најдобра пријателка цел живот. Мојата голема сестра и заштитничка која секогаш го чуваше мојот грб. Таа направи сите да се чувствуваат видени, сакани, безбедни“, започнала Никол.

„Таа беше лепилото што нè држеше нас и многу други заедно. Кристина, те сакам многу. Ти силно сакаше. Ти негуваше. Ти заштитуваше. А семејството ти беше апсолутно сè. Не помина ниту еден ден кога таа не се јави на секој од нас. Нејзините дневни повици во ФејсТајм, 30 пораки одеднаш. Сега не можам да го замислам животот без тие мали нешта“, додала тааа.

„Толку сум ти благодарна“ „Те сакам Кристина. Нашата Бинс. Толку сум ти благодарна. Толку сум горда на мајката што беше и на момчето што го одгледа. Сега го имаме Рок, ти благодариме што ни го подари. Тој зрачи со твојата љубов“, заклучила Никол. Многу следбеници и одговорија во коментарите со изрази на сочувство и поддршка.

Да потсетиме, Никол и Лијам во септември открија дека чекаат второ дете. Тие објавија фотографија од нивниот син Луи на Инстаграм со слика од ултразвук, со наслов: „Малата сестра на Луи доаѓа во март 2025 година“.

Никол се породи на 4 март, а на ќерката и го даде името Елси Скајлар. Медиумите пренесуваат дека таа со името и оддала почит на својата 16-годишна внука која почина во мај минатата година.

Инаку, парот се сврши минатата година. Тие се венчаа на крајот на мај во црквата Свети Игнатиј во Дубровник, а на церемонијата присуствуваа Род Стјуарт и неговата сопруга Пени Ланкастер и поранешната сопруга Рејчел Хантер и сите деца на познатиот пејач. Медениот месец го поминаа во Дубровник, а открија и дека планираат да се преселат во Хрватска.