ТАРАВАРИ ТВРДИ ДЕКА НА ДЕТСКАТА КЛИНИКА Е НАМАЛЕН БРОЈОТ НА СМРТНИ СЛУЧАИ На директорите им дал шест месеци да се докажат
На сите директори им даваме 6 месеци барем да раководат и затоа се в.д директори. Потоа ќе видиме, ќе одлучиме како ќе продолжиме, вели министерот за здравство.
Министерот за здравство Арбен Таравари вели дека морталитетот на Клиниката за детски болести – Скопје годинава е многу помал во споредба со претходните години.
-За жал, се злоупотребуваат сите случувања. На клиниките, за жал, се случуваат смртни случаи. Директорот ни испрати и статистики од другите години и сега, колку е морталитетот на Клиниката и генерално можам да кажам дека оваа година е многу помалку отколку минатите години. На сите директори им даваме 6 месеци барем да раководат и затоа се в.д директори. Потоа ќе видиме, ќе одлучиме како ќе продолжиме – рече Таравари, одговорајќи на новинарско прашање дали како министер знае дека за еден месец има 3 смртни случаи на Детската клиника и дали ќе преземе нешто.
Таравари присуствува на вонредниот партиски конгрес на Алијанса за Албанците во Тетово, што се одржува под мотото „Промената продолжува“.