ТАЛИБАНЦИТЕ КРЕНАЛЕ ТВРДИНА ВО ВОЗДУХ Уништување на културното наследство ВИДЕО

Кога го освоија Авганистан во средината на септември, талибанците се обидоа да се претстават во поинакво светло, како организација која го почитува исламскиот закон, но не ги ускратува човековите права на својот народ и дека ги почитува традицијата и културата.

Но изгледа дека не е така. На социјалните мрежи се појави видео на кое се гледа како ја уништуваат тврдината Грешк во провинцијата Хелманд, бидејќи се коси со нивните толкувања на исламот.

Според зборовите на еден граѓанин на Хелманд, тврдината е урната наводно за да ѝ отстапи место на изградба на медреса или верско училиште во тоа подрачје.

1/2
A friend from Helmand sent me a message:
The Taliban are destroying the historic Greshk Fortress in our district and building a religious school in its place. This is the fort where Timur lost his leg. and it was used to guided Ahmadshah Durani empire’s army, but now… pic.twitter.com/cWKIQoxcsG

— Ahmad Rayed🇨🇦🇦🇫 (@AhmadRayed5) September 16, 2021

Градот Грешк, изграден е околу тврдината по течението на реката Хелманд. Тврдините биле под британска власт во време на англо-авганистанската војна во 19 век.

Тврдината, според преданијата, е место каде Тимур, основачот на Тимурското царство кое го опфаќало денешен Авганистан, Иран и централна Азија, еден од најголемите воени лидери и тактичари во историјата останал без нога.

Најголемото злосторство против светското културно наследство талибанците го направија над величествените статуи на Буда од Бамијан.

Уништувањето почнало во текот на нивното прво владеење. Тие во 1998 година се обидоа со топови и тенкови да ги урнат статуите високи 50 метри вклесани во падината на планината. Конечното уништување се случи во пролетта во 2001 година, кога статуите се минирани по наредба на мула Мухамед Омар.