Санацијата на мостот на Маркова Река заврши пред предвидениот рок, па од 5 септември мостот повторно ќе биде целосно отворен за сообраќај, информираат од Јавното претпријатие за државни патишта.

Мостот се наоѓа на регионалниот пат Р1106 и е важна сообраќајна врска за жителите на Кисела Вода и населените места Драчево, Зелениково и Батинци.

Санацијата беше спроведена со цел да се подобрат безбедноста и функционалноста на мостовската конструкција. Работите се одвиваа со забрзано темпо во текот на летниот период, кога сообраќајот е со намален интензитет, со цел да се намалат застојот и влијанието врз возачите.

Во рамки на санацијата беше отстранет дотраениот асфалт, постојните дилатациони фуги, сливниците и тротоарите. Поставена е нова бетонска плоча и хидроизолација, по што мостот повторно е асфалтиран.

Изградени се и нови тротоари со рабници, а извршена е и санација на парапетната греда.

Вредноста на работите изнесува 4.619.800 денари без ДДВ, а средствата се обезбедени од буџетот на Јавното претпријатие за државни патишта.

Работите ги изведуваше „Синтек Инженеринг“ ДООЕЛ од село Бразда, додека надзорот го вршеше „ЕОС Е.Е.“ ДОО Скопје.

Од ЈПДП посочуваат дека претпријатието се грижи за одржувањето и безбедноста на повеќе од 1.100 мостови на државните патишта низ земјава.

Со завршувањето на санацијата, мостот на Маркова Река од 5 септември повторно ќе биде во целосна функција.

The post ВАЖНА ВЕСТ ЗА ВОЗАЧИТЕ ОД ДРАЧЕВО, ЗЕЛЕНИКОВО И БАТИНЦИ Мостот на Маркова Река повторно отворен appeared first on plusinfo.mk.

Вкупно 20 пожари на отворен простор се регистрирани во текот на денот на територијата на Македонија, од кои четири сè уште се активни, шест се ставени под контрола, а десет се целосно изгаснати.

Според Центарот за управување со кризи (ЦУК), информацијата се однесува до 18 часот денеска, 2 септември 2026 година.

Најсериозна е состојбата на четири локации. Во Општина Сарај активен е пожарот кај селото Копаница, каде гори нискостеблеста шума и ниска вегетација.

Пожар има и во Општина Ѓорче Петров, кај селото Грачани, каде е зафатена нискостеблеста шума.

Во Општина Македонски Брод активен е пожарот кај селото Белица, во месноста Кајорец, на врвот, каде гори борова шума.

Четвртиот активен пожар е во Општина Зелениково, меѓу селата Цветово и Горно Количани, каде гори нискостеблеста шума.

Шест пожари се ставени под контрола, но пожарникарските екипи продолжуваат да ја следат состојбата на терен.

Најголем број од нив се регистрирани во Општина Македонски Брод. Во атарите на селата Битово, Заград и Страјане пожарот зафатил нискостеблеста шума, ниска вегетација, пасишта и папрат. Под контрола е и пожарот кај селото Драгов Дол, каде гори ниска вегетација и шума. Во селото Белица исто така има пожар во ниска вегетација и шума.

Во Општина Делчево пожарот на градската депонија Острец е ставен под контрола. Пожар под контрола има и во Општина Штип, меѓу селата Селце, Пухче, Степанци и Лакавица, каде е зафатена ниска вегетација.

Во Општина Струга пожарот меѓу селата Буринец и Локов е ставен под контрола, а гори нискостеблеста шума.

Целосно изгаснати се десет пожари на отворен простор. Во Општина Ресен пожарот во месноста Макази, во близина на селото Подмочани, бил на ниска вегетација.

Во Општина Кичево изгаснат е пожарот во местото Дардара, кај селото Тајмиште, каде гореле ниска вегетација и мешана шума. Во Општина Чешиново-Облешево пожарот меѓу селата Облешево и Теранци бил на ниска вегетација. Изгаснат е и пожарот во селото Теово, Општина Чашка, каде горела ниска вегетација.

Во Општина Демир Капија пожарот бил под мостот на автопатот, каде гореле бали со сено.

Во Општина Старо Нагоричане бил изгаснат пожарот во Старо Нагоричане, каде биле зафатени електрична бандера и ниска вегетација.

Во Општина Куманово изгаснат е пожарот во месноста Рајкова Куќа, каде горела ниска вегетација.

Во Општина Теарце пожарот во селото Пршовце, каде горела нискостеблеста вегетација, е изгаснат. Во Општина Боговиње изгаснат е пожарот кај „Нептун Петрол“, каде горела ниска вегетација.

Последниот од десетте изгаснати пожари е во Општина Струмица, во Ново Село, каде горела депонија.

ЦУК продолжува да ја следи состојбата со пожарите на отворен простор, а надлежните служби интервенираат таму каде што има потреба.

The post ЧЕТИРИ ПОЖАРИ СÈ УШТЕ БЕЗ КОНТРОЛА Гори шума кај Копаница, Грачани, Белица и Зелениково appeared first on plusinfo.mk.

Овој проект не гки решава сите наши проблеми, но е чекор напред во решавање на дел од проблемите се соочуваме во транспортот и посебно во делот на заштитата на животната средина и загадувањето, имајќи предвид дека пред нас е и грејната сезона и предизвиците коишто доаѓаат со неа – изјави премиерот Христијан Мицкоски по денешното промотивно возење со Градскиот воз на релација Скопје-Зелениково, на кое учествуваше заедно со членови на владата, на локалната самоуправа и претставници на ЈП Македонска железница.

Тој ја искористи приликата да се заблагодари и да имм честита на на сите оние коишто беа вклучени во реализацијата на овој проект, на потпретседателот на Влада и министер за транспорт, на луѓето од неговиот кабинет, на луѓето од „Македонска железница, инфраструктура и транспорт”, на директорите, министрите и замениците министри, за реализацијата на проектите коишто се дел од Програмата на Владата.

– Исто така, би сакал да се заблагодарам на секој оној којшто вложил атом енергија од своето време за да може ова денеска да стане реалност. Навистина една година е прилично брз период за да се реализира овој проект, којшто можам вака од лично искуство да кажам дека условите во коишто денеска ја поминавме делницата од Зелениково до оваа Централна железничка станица во центарот на Скопје, се навистина европски – рече Мицкоски.

Тој додаде дека оваа Влада, во соработка со локалната самоуправа, ќе продолжи и понатаму да ги реализира проектите за коишто ја добила довербата од народот.

– Тоа е многу важно, затоа што преку реализацијата на проектите вие стекнувате кредибилитет, а преку кредибилитет ја менувате и перцепцијата за самата држава и за системот којшто го управуваме како Влада.

Тој уште еднаш упати благодарност до сите коишто беа вклучени во овој проект. Повторно ќе кажам, вклучувајќи ги и градоначалникот на Град Скопје, градоначалниците од општините Аеродером Кисела Вода и Зелениково, кои давале несебична поддршка при реализација на овој проект.

– Честитки и за жителите на Општина Зелениково, кои ќе бидат корисници на оваа линија и за многу кратко време од Зелениково ќе стигаат во центарот на Скопје. И уште многу вакви проекти да ни се случуваат – рече Мицкоски.

Вицепремиерот Александар Николоски истакна дека ова е почеток на реализацијата на визија за поефикасен јавен превоз, поголема мобилност и подобра заштита на животната средина.

– Ветивме дека првата линија ќе почне на 1 септември и така се случи, се надевам дека ќе ја користат многумина, се надевам дека многу ќе помогне и на учениците и на средношколците, на сите оние кои што сакаат навреме да стигнат на своите работни места, пензионерите и ќе ја користиме сите ние – рече заменик претседателот на Владата.

The post 📷 УСЛОВИТЕ ЗА ВОЗЕЊЕ СО ГРАДСКИОТ ВОЗ СЕ НАВИСТИНА ЕВРОПСКИ Мицкоски за промотивното патување Скопје-Зелениково appeared first on plusinfo.mk.

До 13:00 часот денеска се регистрирани вкупно 14 пожари на отворен простор, од кои пет се активни, три се под контрола, а шест се изгаснати, соопшти Центарот за управување со кризи.

Активни пожари има: во општините Студеничани и Зелениково – с. Моране – с. Вртекица – с. Рамни Габер и кракот кон с. Палиград, како и над с. Вражале – Општина Зелениково, мешана шума, во општините Гостивар и Македонски Брод – с. Трново (Општина Гостивар), со ширење кон селата Битово, Заград и Страјане (Општина Македонски Брод), гори нискостеблеста шума, ниска вегетација, пасишта и папрат, во Општина Росоман – с. Манастирец, лозови и овошни насади;
Општина Зелениково – с. Тисовица, мешана шума и ниска вегетација и во Општина Чашка – над с. Нежилово, м.в. Сватови, ниска вегетација и смреки.

Под контрола се пожарите во: Општина Кичево – с. Тајмиште, м.в. Дарда, високостеблеста букова шума; во Општина Кавадарци – градска депонија „Мелци“, ѓубре и во Општина Делчево – депонија, ѓубре.

Изгаснати пожари – шест: Општина Желино – с. Желино, ниска вегетација, меѓи и грмушки; Општина Теарце – с. Одри, ниска вегетација; Општина Македонски Брод – помеѓу резерватот „Јасен“ и с. Брезница, ниска вегетација и борова шума; Општина Кичево – с. Зајас, ниска вегетација; Општина Делчево – с. Ветрен, ниска вегетација и мешана шума и во Општина Градско – с. Виничани, ниска вегетација.

The post 5 АКТИВНИ ОД 14 ПОЖАРИ Под контрола се 3 жаришта, изгаснати се 6 appeared first on plusinfo.mk.

Заменик-директорот на ЈП „Национални шуми“, Кире Михаилов во објава на социјалните мрежи ги окарактеризира како тероризам случувањата на планината Китка, каде веќе десетина дена има пожар.

„Почитувани, јавноста мора да знае одредени факти за пожарот кој веќе десетина дена беснее на планината Китка. Тоа е пожарот кој најпрво започна на територијата на општина Студеничани од каде за неколку дена се префрли и на територија на општина Зелениково и се разви во голем сериозен пожар ширејќи се на места кои буквално се недостапни за човечка нога. Тоа се места кои посебно во вакви вонредни ситуации многу лесно можат човечките животи да ги донесат во сериозна животна опасност. Од друга страна, пожарот кој надојде од велешко Сл’п се движеше во правец на токму на овој пожар. Во изминативе денови, сведоци сме на повеќе нови потпалувања на линијата помеѓу двата пожара, а како што може да видите на картата, очигледно да се направи една огромна фронтална линија. Пред неколку дена кога со вложени максимални натчовечки напори и целосно се изгасна пожарот во велешко, наредниот ден имаше обид за негово повторно воскреснување, но, добрата координација на сите служби го спречи тоа“, напиша тој.

Како што нагласува Михаилов, шестиот ден, доцна во ноќта имало појава на нов пожар во правец над Градовци во близина на веќе постоечкииот пожар, но, екипите од ЈП „Македонски Шуми” повторно иако ноќе, го средиле.

„Неколку дена после тоа, или поточно во четвртокот на 20 август во раните утрински часови повторно на неколку нови точки сериозно ни го проширија овој пожар на планината Китка, ШСЕ Китка, поточно во оддел 17 во место викано Попово Гумно, на непристапен терен сакајќи да предизвикаат опасност да премине према селото Тисовица каде теренот е уште погуст, див и непрооден. Но, со натчовечки напори, се реши и оваа состојба и во текот на ноќта беше решена и оваа сериозно нова лоша ситуација. И тука не застана приказната луѓе. Во петок, завчера, затоа што видоа или виде дека има доста присуство на терен, воздухоплови и дронови, не запалија ноќта, некаде после 21 часот. Во рок од еден час, во петокот од 21 до 22 часот се појавија три нови пожари и тоа првиот на патот од село Добрино, место викано Маларека. Вториот пожар се појави на патот помеѓу селото Страхојадица и селото Тисовица кај место викано Бабин дол, повторно запален на истиот патен правец на работ на самиот пат. Третиот последователен пожар таа ноќ ни го запалија повторно на патот помеѓу селата Страхојадица и селото Тисовица, на место викано Грнчарица, повторно во атарот на село Градовци, општина Зелениково како пред неколку дена“, дополнува Михаилов.

Михаилов посочува дека на сите три нови запалени точки, до доцна во ноќта делувале  вработените од подрачното шумско стопанство Караџица, градоначалникот на Зелениково со неколку луѓе и противпожарното возило на општина Зелениково како и ТППЕ Драчево.

„И така, тие постојано си палат, а ние постојано и сè уште си гасиме. Дефинитивно некој таму сака или да ни изгоре некое село или да отиде што поголема шумска површина, не знам што им е целта. И покрај тоа што секојдневно таму делуваат авионите и хеликоптерите од воздух и пешадијата каде што може на терен, со ваков интензитет на често ново разгорување на линијата не може лесно да го решиме овој пожар и наизменично повеќе населени места ни се во опасност, па ги браниме. Опасноста покрај Рамни Габер помина, но, вчера и денеска ни е во сериозна опасност населеното место Палиград. И никако херметички во вистинска смисла не може да го затвориме овој предел затоа што има доста ридски планински населени места кои се живи, а има и доста граѓани кои имаат најразлични други имоти таму и не можеме целосно да им го ограничиме движењето. Но, мораме дефинитивно да најдеме начин овие будали некако да ги застанеме“, вели Михаилов во објавата на Фејсбук.

The post КОЈ ЈА „ТЕРОРИЗИРА“ ПЛАНИНАТА КИТКА СО ПОЖАРИ? Заменик-директорот на Национални шуми вели дека жариштата постојано „воскреснуваат“ appeared first on plusinfo.mk.

Мирис на чад и замагленост има во воздухот во Скопје, а причината е ветрот кој го носи чадот од пожарите што во моментов горат во околината на главниот град.

Од Центарот за управување со кризи (ЦУК) информираат дека зачаденоста во Скопје доаѓа од активниот пожар во реонот на Китка, на територијата на општините Студеничани и Зелениково.

На пожарот досега дејствувал и хеликоптер на Министерството за внатрешни работи.

Од ЦУК посочуваат дека до овој момент немаат пријава за пожар на Водно, иако чадот во градот може да создава впечаток дека пожарот е поблиску до Скопје.

Во исто време, активни пожари има и на други локации во скопскиот регион.

На територијата на Општина Сарај, кај селото Бојане, во моментов гори нискостеблеста шума и висока трева. Пожар има и во Општина Илинден, каде се зафатени сува трева и нискодеградирана шума.

Од ЦУК велат дека состојбата со пожарите се следи и дека надлежните служби преземаат активности во зависност од развојот на ситуацијата.

Важно е граѓаните да знаат дека мирисот на чад што се чувствува во Скопје, според досегашните информации на ЦУК, не е последица на пожар на Водно.

Ако зачаденоста е изразена, граѓаните, особено чувствителните категории, треба да избегнуваат непотребен престој на отворено и да ги следат официјалните информации за состојбата.

The post 🎥 МИРИС НА ЧАД И ЗАМАГЛЕНА ВИДЛИВОСТ ВО СКОПЈЕ Ветрот го носи чадот од големиот пожар кај Китка, нема пожар на Водно appeared first on plusinfo.mk.

Пожарот во реонот на селото Палиград, општина Залениково се приближува кон населеното место, а противпожарните екипи ќе останат на терен во текот на целата ноќ со цел да го заштитат селото и неговите жители, информира директорот на Центарот за управување со кризи, Мухамед Али, кој вечерва е таму.

Тој е заедно со екипите на Противпожарната бригада на Град Скопје ја следи состојбата и активностите за локализирање и ставање на пожарот под контрола.

Според информациите од ЦУК, екипите ќе останат на терен во текот на целата ноќ и континуирано ќе го следат движењето на огнената линија. Тие се подготвени да интервенираат во секој момент доколку се појави опасност за куќите и жителите на Палиград.

За утре во раните утрински часови е предвидена и воздушна интервенција за гаснење на пожарот.

The post ДРАМАТИЧНО ВО СКОПСКО ПАЛИГРАД Огнот се доближува до селото, противпожарните екипи ќе останат цела ноќ appeared first on plusinfo.mk.

Во овој момент активен е пожарот, кој од Велес премина во Зелениково. Благодарност до велешките пожарникари кои значително го намалија и заштитија две загрозени села.

Во Македонски Брод пожарот е значајно намален. Имаме пожар на територија на општина Студеничани село Рамни Габер, но тој е оддалечен и не загрозува ниту едно село, изјави директорот на Дирекцијата за заштита и спасување (ДЗС), Стојанче Ангелов давајќи пладневен преглед за состојбата со пожарите во државата.

Карактеристичко за сите пожари, посочи тој, е тоа што никаде не гори квалитетна борова шума или друг тип шума.

– Во овој момент нема загрозени села. Депонијата во Кратово е целосно затрупана и не претставува опасност за загадување на воздухот. Во текот на вчерашниот ден имавме 29 пожари на отворен простор. Благодарение на брзата реакција, а понекогаш и повеќечасовната борба на пожарникарите со пожарите 23 од нив беа изгаснати во текот на вечрашниот ден и во ноќните часови, додека 6 се активни ова утро – рече Ангелов.

Првиот човек на ДЗС потсети дека синоќа имаше вистинска драма во селото Чаниште оддалечено 30 километри од Прилеп.

– Огнот навлезе меѓу селските куќи, но според информации кои ги добив додека бев во селото не е изгорена ниту една куќа во која живеат останатите жители во селото. Сите жители на селото ноќта ја поминаа во своите домови. Изгорени се неколку стари и напуштени куќи, можеби некои од нив се користеле за престој на нивните сопственици – рече Ангелов.

Тој посочи дека денеска овој пожар ќе го стават под целосна контрола.

– Втората ситуација ја имавме синоќа на пожарот на територијата на општина Јегуновце кој навлезе во атарот на селото Туденце и го загрози блискиот манастир. Упатив неколку тимови на Дирекцијата за заштита и спасување и тоа од доброволци од Гостивар, од доброволното друштво „Чаир“ од Скопје и едно друштво од Тетово, истакна Ангелов и воедно апелираше до граѓаните да бидат исклучително внимателни бидејќи е доволна само искра за вистина катастрофа.

The post НЕМА ЗАГРОЗЕНИ СЕЛА, 6 ПОЖАРИ ОСТАНУВААТ АКТИВНИ Огнот од Велес преминал во Зелениково appeared first on plusinfo.mk.

Дваесет и двегодишен жител на скопското село Страхојадица е приведен поради сомнение дека со пиштол им се заканувал на повеќе лица кај железничката станица во Зелениково, соопшти Министерството за внатрешни работи.

Според информациите од МВР, полициски службеници на 6 јули го лишиле од слобода В.И. (22), откако претходно било пријавено дека вечерта на 5 јули, околу 21:10 часот, додека бил во друштво со Е.Б. (24), исто така од селото Страхојадица, упатувал закани со пиштол кон И.М. (41) и уште неколку други лица.

Во истиот инцидент, според пријавеното, Е.Б. физички го нападнал 35-годишниот Н.Н.

За настанот бил известен надлежен јавен обвинител, а од МВР информираат дека по целосното расчистување и документирање на случајот ќе бидат поднесени соодветни кривични пријави.

The post ПИШТОЛ И ЗАКАНИ ПРЕДИЗВИКАЛЕ ПАНИКА ВО ЗЕЛЕНИКОВО Приведен млад жител на Страхојадица, има и нападнато лице appeared first on plusinfo.mk.

Тешко е повреден 78-годишен пешак откако вчераутро бил удрен од товарно возило на локалниот пат меѓу селата Орешани и Зелениково.

Според информациите од полицијата, камионот „мерцедес“ го управувал 38-годишен жител на селото Усје.

Повредениот пешак, кој е од Студеничани, бил пренесен во Комплексот клиники „Мајка Тереза“, каде што лекарите констатирале тешки телесни повреди.

За околностите под кои дошло до несреќата е извршен увид.

The post КАМИОН ПРЕГАЗИ ПЕШАК НА ПАТОТ ОРЕШАНИ-ЗЕЛЕНИКОВО Тешко повреден 78-годишен жител на Студеничани appeared first on plusinfo.mk.