Бугарија одбива да учествува во новата финансиска помош од 70 милијарди евра што Украина ја побара од Европската Унија за 2027 година.

Бугарскиот премиер Румен Радев порача дека Софија не може да преземе дополнителни финансиски обврски, оценувајќи дека војната ги исцрпува европските економии и предизвикува сè поголеми социјални и политички тензии.

Ставот го соопшти вчера, за време на посетата на бугарскиот град Тврдица, откако украинскиот претседател Володимир Зеленски на неодамнешниот европски самит побара дополнителни средства за продолжување на одбраната од руската инвазија.

– Како ви изгледа ова во контекст на сè што се случува во Европа? Бугарија не може на никаков начин да биде вклучена во овие 70 милијарди евра – изјави Радев.

Неговата изјава претставува промена во досегашниот пристап на Софија кон заедничкото европско финансирање на Украина.

Европската Унија минатата година одобри заем од 90 милијарди евра за покривање на украинските потреби во 2026 и 2027 година. Унгарија, Чешка и Словачка тогаш издејствуваа изземање од финансиските трошоци, додека Бугарија остана меѓу земјите што учествуваат во механизмот.

Сега Радев најавува дека Софија нема да го повтори таквиот чекор со новиот пакет.

Бугарскиот премиер оцени дека продолжувањето на војната создава сериозен економски товар за европските држави. Според него, последиците се чувствуваат и преку растечките социјални тензии и политичката нестабилност.

– Исходот нема да се постигне со воени средства – рече Радев, повикувајќи на што побрзо завршување на конфликтот.

Радев ја презеде премиерската функција откако претходно беше претседател на Бугарија од 2017 година до оставката во јануари 2026 година. Неговите ставови за војната во Украина и претходно се разликуваа од политиките на дел од европските сојузници.

Најновата одлука доаѓа во период на зголемена загриженост во Бугарија по серијата напади со воздушни и поморски дронови врз трговски бродови во Црното Море. На 6 октомври два брода беа погодени во бугарската ексклузивна економска зона, при што еден потона, а другиот се запали.

Следуваа нови инциденти, вклучително и нападите на 13 октомври, кога беа погодени уште два трговски брода.

Бугарските власти започнаа истраги, но потеклото на дроновите и одговорноста за нападите сè уште не се дефинитивно утврдени. Министерот за одбрана Димитар Стојанов изјави дека постојат сомневања за руска вмешаност, но нагласи дека за сигурен заклучок се потребни материјални докази.

По нападите, Софија побара дополнителна помош од НАТО за зајакнување на противвоздушната и противдронската одбрана, како и за подобар надзор на поморскиот сообраќај.

Бугарската влада побара распоредување дополнителни борбени авиони и противдронски системи, додека премиерот Радев ги активираше дипломатските канали за меѓународна поддршка во истрагите.

НАТО на 20 октомври најави засилување на присуството во Црното Море со патролни авиони, радари и беспилотни летала.

The post БУГАРИЈА ОДБИ ДА УЧЕСТВУВА ВО НОВАТА ПОМОШ ЗА УКРАИНА Студен туш од Радев за европскиот пакет од 70 милијарди евра appeared first on plusinfo.mk.

Демонстранти се собраа на мирни протести пред зградата на бугарската влада во Софија, барајќи оставка од претседателката на државата Илијана Јотова и од премиерот Румен Радев.

Во областа има силно полициско присуство.

Главниот повод за протестот е реакцијата на бугарските власти на серијата напади со беспилотни летала врз трговски бродови во бугарската ексклузивна економска зона во Црното Море. Демонстрантите сметаат дека државното раководство не реагира доволно решително на заканите за националната безбедност и го обвинуваат дека избегнува јасно да ја посочи одговорноста за нападите

Според демонстрантите, претседателката Јотова и премиерот Радев не успеваат да се справат со ситуацијата.

Тие нагласија дека цела Европа знае дека ова се руски напади, „но само нашиот претседател и влада се преправаат дека не знаат“.

Собраните скандираа „оставка“, „предавници“ и „затвор“.

– Доколку нападите во Црното Море продолжат на ист начин бродовите нема да сообраќаат. Покрај товарот што е во опасност, имаме и потонати бродови. Не можеме да си дозволиме толку евтино да трошиме човечки животи – рече Јотова во изјава за бугарски медиуми.

Радев денеска во Брисел рече дека истрагата не нашла цврсти докази дека Русија стои ззад нападите минатата недела врз два трговски брода во бугарските води во Црно Море, од кои еден потона.

The post ПРОТЕСТИ ВО СОФИЈА, СЕ БАРААТ ОСТАВКИ ОД РАДЕВ И ОД ЈОТОВА Незадоволство поради одговорот на нападите во Црното Море appeared first on plusinfo.mk.

Седум  од 12 членови на екипажот се водат како исчезнати по нападот со беспилотно летало врз танкер за хемикалии што се запали во близина на романскиот брег во четврток наутро. Танкерот „Вајн Трејдер“, кој плови под знамето на Сан Марино, бил на 24 километри источно од устието на Дунав кај Сулина, кога пријавил експлозии и пожар, пишува Би-Би-Си.

Романскиот претседател Никушор Дан потврди дека дронови го погодиле „Вајн Трејдер“ и друг танкер во областа, „Јара Ј“, кој бил нападнат во среда.

„Вајн Трејдер“ не превезувал товар во времето на нападот.

Москва објави дека два товарни брода со воена опрема што пловеле кон украинското пристаниште Одеса биле погодени, но не ги именуваше.

Романските власти објавија дека потрагата по исчезнатите членови на екипажот продолжува. Во акцијата учествуваат два хеликоптери и два спасувачки брода. Приоритет е да се стигне до четирите членови на екипажот за кои е потврдено дека се живи, а екстремно немирното море со високи бранови им го отежнува работењето на спасувачките екипи.

Танкерот пловел од Тунис кон Романија, а околу 7 часот утрово пријавил неколку експлозии. Романските медиуми ги пренесуваат изјавите на екипажите од блиските бродови, кои тврдат дека „Вајн Трејдер“ бил погоден од два дрона.

Рој руски дронови бил забележан во текот на ноќта во близина на местото на настанот, недалеку од украинскиот Змиски Остров.

Западниот брег на Црното Море неодамна беше место на чести напади со дронови.

Во вторник, два трговски брода беа погодени од дронови подалеку на југ, покрај брегот на Бугарија. Еден од тие бродови потона, а се бараат 11 членови на екипажот. Бугарија се сомнева дека Русија стои зад нападот, поради што го повика рускиот амбасадор на разговор.

Лидерите на Романија и на Бугарија размислуваат дали да го активираат Член 4 од договорот за НАТО. Тој член ѝ дозволува на секоја членка на Алијансата да побара консултации со други сојузници доколку смета дека нејзиниот територијален интегритет или безбедност се загрозени. Бугарската претседателка Илијана Јотова вчера рече дека повикувањето на членот 4 е една од опциите и дека таков чекор би имал поголема тежина ако го преземат повеќе држави заедно.

– Сакаме да ги имаме сите информации за тоа што се случило, но романската држава ќе одговори – рече романскиот претседател Дан.

Дан денеска се сретна со генералниот секретар на НАТО, Марк Руте и со бугарскиот премиер Румен Радев во Брисел за да разговараат за растечките безбедносни закани во регионот на Црното Море. По состанокот изјави дека неодамнешните напади врз комерцијални бродови во Црното Море претставуваат обид на Русија да го дестабилизира источното крило на НАТО и да ја ослабне поддршката за Украина.

I had an important meeting today with Prime Minister @RumenRadevPM and @SecGenNATO Mark Rutte to strengthen our defences in the Black Sea. With our @NATO Allies, we have a commitment to defend every inch of our territory, including our waters and airspace.

The situation in the Black Sea is serious. Commercial ships are being attacked and sunk. Seafarers killed, injured, and missing, very close to the shores of Romania and Bulgaria. This is unacceptable and it has to stop.

Lives, global trade, and critical infrastructure are at stake. We stand together for a safe and open Black Sea, for Romania, Bulgaria, Europe, and the whole world.

— Nicușor Dan (@NicusorDanRO) October 15, 2026

Дан не даде дополнителни детали за погодените бродови.

„Со нашите сојузници од НАТО, ние сме должни да го браниме секој метар од нашата територија, вклучувајќи ги и нашите води и воздушен простор. Ситуацијата во Црното Море е сериозна. Трговски бродови се под напади и потонуваат. Морнари гинат, има и повредени и исчезнати, многу блиску до бреговите на Романија и на Бугарија. Ова е неприфатливо и мора да престане. Животите, глобалната трговија и критичната инфраструктура се во опасност. Заедно се залагаме за безбедно и отворено Црно Море, за Романија, Бугарија, Европа и целиот свет“, напиша Дан на Икс.

Бугарскиот претседател Румен радев пред средбата изјави дека нападите се флагантно кршење на меѓународните закони.

– Ќе ги имлементираме сите мерки за да ја смириме ситуацијата – рече Радев.

Според романските медиуми, на состанокот било договорено Алијансата да постапува како да е активирана постапката за консултации, но без формално повикување на членот 4.

Се очекува и дополнителна средба во рамките на Северноатлантскиот совет.

Украина директно ја обвини Русија за претходните напади врз цивилни бродови во западниот дел на Црното Море, кое служи како клучна рута за украинскиот извоз и увоз. Претседателката на Европската комисија, Урсула фон дер Лајен, во вторникот изјави дека Црното Море станува „уште еден фронт за ескалација на руската војна во Украина“ и рече дека тоа е неприфатливо.

Москва тврди дека ги таргетира бродовите што превезуваат оружје и стока со двојна намена до украинските пристаништа. Од друга страна, Киев и неговите европски сојузници истакнуваат дека цел на нападите се трговски бродови што превезуваат жито и друг цивилен товар.

The post СО ДРОНОВИ НАПАДНАТ ТАНКЕР ВО РОМАНИЈА Букурешт и Софија засега не го активираат член 4 на НАТО, но Алијансата ќе постапува како да е активиран appeared first on plusinfo.mk.

Во Бугарија, во близина на Софија, намерно се запалени 11 од вкупно 17 сателитски антени на Старлинк. Информацијата ја објави бугарскиот пратеник Ивајло Мирчев, копретседател на политичката партија Да, Бугарија, кој изјави дека нападот го извршиле две маскирани лица. Точниот датум на инцидентот не е објавен.

Настанот го потврди бугарскиот премиер Румен Радев за време на денешното парламентарно сослушување, кој рече дека истрагата е интензивна и дека се работи со партнерски служби.

Порталот The Insider пишува дека антените се наоѓаат во близина на сателитската комуникациска станица Плана, јужно од Софија. Оваа локација се користи и за потребите на воените комуникации во Украина.

Two masked men set fire to 11 of 17 Starlink ground station antennas near Sofia, Bulgaria, according to Bulgarian officials.

The incident closely resembles the September 23 arson attack on a Starlink ground station in Poland, where two Turkish nationals were arrested.

Polish authorities suspect Russian intelligence was behind the sabotage, which targeted infrastructure also used to provide communications for Ukraine, while Bulgaria’s prime minister has urged security officials not to disclose details of their investigation.

— Special Kherson Cat (@bayraktar_1love) October 14, 2026

Пратеникот Мирчев го критикуваше Министерството за внатрешни работи и безбедносните служби за тоа што не ја информирале јавноста за нападот.

„МУП не го пријави инцидентот, ниту медиумите – како никогаш да не се случил“, напиша Мирчев.

Тој потврди дека поставил пратенички прашања за безбедносните служби и безбедносните служби.

Инцидентот во Бугарија се случил по сомнежите за подметнат пожар во станицата на Старлинк во Полска. На местото Вола Кробовска на 23 јуни имаше пожар, а полското обвинителство се сомнева дека сторителите дејствувале во име на руските разузнавачки служби.

Двајца турски државјани, осомничени за учество во нападот во Полска, беа уапсени во Германија на 12 јули. Во моментов нема јавно достапни докази што директно ги поврзуваат овие два инцидента или ја потврдуваат руската вмешаност во пожарот во Бугарија.

The post ВО БУГАРИЈА ЗАПАЛЕНИ 11 АНТЕНИ НА СТАРЛИНК, КОИ СЕ КОРИСТАТ ЗА ВОЕНИ КОМУНИКАЦИИ ВО УКРАИНА Пратеник обвини дека инцидентот се криел appeared first on plusinfo.mk.

СДСМ повторно одигра за Бугарија преку Венко Филипче и Зоран Заев, повторно ја омаловажија и посрамотија Македонија, рече денеска на вонредна прес-конференција портпаролот на ВМРО-ДПМНЕ, Валентин Манасиевски.

– Единствени кои се среќни и кои ликуваат на бегството на Ива Михаилова во соседна Бугарија се Румен Радев, Венко Филипче и Зоран Заев. Имено, докторот кој ја констатира дијагнозата на Ива Михаилова е доктор Иван Барбов, кој беше поставен за директор на Клиниката за неврологија во 2017 година, од страна на Зоран Заев и Венко Филипче. Токму докторот Иван Барбов изготвил извештај на неколку страници во кои јасно се вели дека методата за лекување на пациентот Ива Михаилова ја нема во Македонија, туку дека ја има во една од соседните земји како што е Република Бугарија – рече Манасиевски.

Истиот Иван Барбов е познат во јавноста како осуден криминалец во судскиот случај „Метастаза“, додаде тој.

– Барбов бил еден од обвинетите за посредувње во издавањето инвалидски пензии. Според информациите кои тогаш ги објавија и медиумите и ВМРО-ДПМНЕ, Барбов и останатите наплаќале од 1.500 до 4.000 евра за барател, со цел нелегално издавање инвалидски пензии. Групата на Барбов за двете години додека дејствувале, според податоците кои во јавноста излегоа преку медиумите, заработиле 165.000 евра, но и го оштетиле Фондот за здравство за 53.000 евра, за што Иван Барбов е и правосилно осуден – рече Манасиевски.

Додаде дека очекуваат одговори.

– Очекуваме одговори од Филипче и од Заев, дали е точно дека имаат ургирано кај својот криминален другар и доктор Барбов да направи таква дијагноза за Ива Михаилова, во која докторот укажува дека таква метода за лекување нема во Македонија, туку има во Бугарија, затоа што се директно уценети од Румен Радев? Зошто Филипче и Заев си играат со довербата на јавноста? Очекуваме постапка по допрен глас и истрага на овој случај во кој се сомневаме дека имаат вмешано прсти Филипче и Заев, преку својот доктор Барбов, а зад целата оваа операција стои токму Бугарија и Румен Радев – рече портпаролот на ВМРО-ДПМНЕ, Валентин Манасиевски.

Во извештајот за лекување на Михаилова, на кој укажува ВМРО-ДПМНЕ, од март 2026 година, потпишан од д-р Иван Барбов, се наведува дека за нејзините спазми во нозете е потребно да се вгради поткожна пумпа, во Бугарија или во Турција.

The post 📷 ДАЛИ ЗАД ИВА МИХАИЛОВА СТОЈАТ ФИЛИПЧЕ И ЗАЕВ, УЦЕНЕТИ ОД РАДЕВ? Препораката за лекување во Бугарија ја дал нивен близок лекар, осуден во „Метастаза“ appeared first on plusinfo.mk.

Двата нападнати товарни брода во бугарските води нагло го промениле курсот, изгубиле брзина и почнале непредвидливо да се движат во Црното Море, пишува Скај Њуз.

Податоците за нивното движење откриваат драматични маневри во периодот на нападите со дронови. Еден од бродовите потонал, а другиот останал на површината.

Веста доаѓа во момент кога бугарскиот премиер Румен Радев ја повикал руската амбасадорка во Софија на разговор во врска со нападите.

Бугарија засега нема докази за потеклото на беспилотните летала и не ја обвинува директно Москва.

Според анализата на Сем Доак, продуцент за истражувања со отворени извори (OSINT), двата брода покажале необични промени во движењето.

Чии биле бродовите?

„Челзи 3“ е брод во украинска сопственост, регистриран во Одеса, кој пловел под знамето на Малта. Ова го потврдил и бугарскиот премиер Румен Радев. На бродот имало 7 Украинци и 8 Азербејџанци. Сите 15 се спасени, а петмина добиле медицинска помош поради полесни повреди.

За „Азов Конкорд“ информациите се помалку усогласени. Дел од бугарските извори го опишуваат како брод во турска сопственост, но наведуваат различни држави на регистрација.

„Челзи 3“, кој пловел под малтешко знаме, испловил од турскиот град Гиресун на 10 октомври. Во 23:13 часот нагло го променил курсот, а петнаесетина минути подоцна почнал да забавува и неправилно да се движи.

Потоа изгледало дека бродот плови неконтролирано.

Бугарскиот патролен брод „Бургас“ се приближил до неговата локација околу 1:45 часот по полноќ. Подоцна, околу 9:30 часот, пристигнал и бугарски воен брод, кој кружел околу погодениот товарен брод.

Слична драма се одвивала и со „Азов Конкорд“, кој пловел под знамето на Свети Винсент и Гренадини.

Бродот испловил од романскиот град Галац на 12 октомври. Непосредно по четири часот наутро направил ненадеен маневар, изгубил брзина и почнал да се движи непредвидливо.

Подоцна кон него се упатил и бугарскиот патролен брод „Бургас“.

Податоците за движењето не го утврдуваат точниот момент на ударите со дронови, но покажуваат кога двата брода почнале да имаат проблеми со пловидбата.

„Азов Конкорд“ потонал во близина на бугарскиот брег, кај Крапец. Петмина членови на екипажот биле спасени, додека 11 сè уште се водат како исчезнати. „Челзи 3“, според бугарските власти, бил нападнат со 3 беспилотни летала.

Бугарија нема докази дека Русија стои зад двата напади

По разговорот со руската амбасадорка, Радев соопштил дека Бугарија нема докази за потеклото на дроновите.

Сепак, тој оценил дека нема логика Украина да ги уништува сопствените бродови во Црното Море. Според него, последиците од нападите ѝ одат во прилог на Русија.

Москва засега не ги коментираше инцидентите.

Ова е втор случај на потонување товарен брод по напад со дрон во близина на Бугарија за само една недела.

При претходниот напад исчезнале девет сириски и еден египетски морнар. Истата ноќ бил погоден уште еден брод, но неговиот екипаж бил спасен.

Според досега објавените информации, во двата инцидента за една недела исчезнале вкупно 21 морнар.

Претходниот напад се случил на 6 октомври, кога два трговски брода биле погодени со дронови во бугарската ексклузивна економска зона во Црното Море. Едниот потонал, а десет морнари исчезнале. Вториот брод бил оштетен, но неговиот екипаж бил спасен.

Украинскиот претседател Володимир Зеленски уште истата вечер директно ја обвини Русија.

Радев, меѓутоа, зазеде повнимателен став. Бугарскиот премиер на 7 октомври изјави дека, според товарот и правецот на движење на бродовите, логиката упатува кон Русија, но нагласи дека тоа е само хипотеза.

The post БРОДОВИТЕ ВО БУГАРСКИТЕ ВОДИ НАГЛО СВРТЕЛЕ ПРЕД НАПАДОТ Едниот е украински танкер кој пловел под малтешко знаме appeared first on plusinfo.mk.

Нов напад со беспилотни летала врз два трговски брода во Црното Море, во близина на бугарскиот брег, предизвика остра реакција на бугарскиот премиер Румен Радев. Еден од бродовите потонал, а повеќе морнари биле спасени.

Радев најави разговор со генералниот секретар на НАТО, Марк Руте, и повикување на рускиот амбасадор, иако засега нема докази кој ги испратил дроновите.

Ова е втор сериозен напад врз цивилни бродови во бугарската зона на Црното Море за една недела. Во претходниот инцидент потона товарен брод, а десет морнари исчезнаа.

Новиот напад се случил околу 1:30 часот по полноќ, кога бродот „Челзи 3“ (Chelsea 3), во сопственост на украинска компанија, бил погоден со три беспилотни летала.

Бродот пловел под знамето на Малта, а во моментот на нападот се наоѓал на околу 18 наутички милји, односно 33 километри од бугарскиот брег.

На него имало 15 членови на екипажот, седум Украинци и осум Азербејџанци. Сите биле спасени, а петмина добиле медицинска помош. Ниту еден од морнарите не бил сериозно повреден.

Вториот нападнат брод, „Азов Конкорд“ (Azov Concord), немал таква среќа.

Бугарските власти потврдиле дека бродот потонал на околу 17 наутички милји источно од Крапец, населено место на северниот дел од бугарското крајбрежје.

Според првичните информации, спасен е еден член на екипажот. Засега нема целосни податоци за бројот на луѓето што биле на бродот.

BREAKING: Bulgarian PM says drones attacked two ships in the Black Sea. One has sunk

According to Rumen Radev, all 15 crew members of the Chelsea 3 have been rescued, with five receiving medical treatment. The merchant vessel was struck by drones 33 kilometers off the Bulgarian coast.

A second ship was attacked near the village of Krapets, approximately 31 kilometers offshore. The vessel sank.

Following the latest drone attacks on ships, Bulgaria is summoning the Russian ambassador in Sofia.

Radev said the Bulgarian government does not have sufficient evidence to blame any particular side, but added that “logic suggests” the consequences benefit the Russian Federation.

— NEXTA (@nexta_tv) October 13, 2026

Радев најавува дипломатска реакција

– Ова е целосно неприфатливо – уште еден напад во близина на бугарските територијални води – изјави бугарскиот премиер Румен Радев во телевизиско обраќање.

Радев нагласи дека бугарските власти сè уште немаат јасни докази за потеклото на дроновите, но во контекст на нападот ја спомена Русија.

Тој најави дека ќе го повика рускиот амбасадор во Софија, Елеонора Митрофанова, на разговор за инцидентите во Црното Море.

Бугарскиот премиер планира да разговара и со генералниот секретар на НАТО, Марк Руте, за безбедносните ризици и можниот одговор на Алијансата.

За новите напади се известени и постојаните претставници на Бугарија во НАТО и Европската Унија.

Бугарија нема заедничка копнена граница со Русија или Украина, но нејзиниот брег на Црното Море има важно стратешко значење за Алијансата.

Two vessels were struck by drones, likely Russian, today in the Black Sea just 18 miles off the coast of Bulgaria, with one vessels sinking. Rescue operations are currently underway, as at least twelve crew members, possibly Ukrainian, have been reported injured. This follows last week’s swathe of attacks against shipping within the EEZs of NATO nations in the Black Sea, with it being best to describe the response from the nations involved as paltry.
More to come.

— OSINTdefender (@sentdefender) October 13, 2026

Пред една недела исчезнаа 10 морнари

Серијата напади започна на 5 и 6 октомври, кога два трговски брода беа погодени во бугарската ексклузивна економска зона, на околу 130 километри источно од Бјала.

Тогаш потона „Алфа Ватан“, брод под знамето на Того, а неговите десет членови на екипажот беа прогласени за исчезнати. Бугарските спасувачи подоцна ја прекинаа потрагата, откако пронајдоа само чамец, три празни сплавови и делови од бродската опрема.

Вториот брод, „Абле“, под знамето на Палау, беше погоден и на него избувна пожар. Сите 18 морнари беа спасени, но двајца беа потешко повредени.

Бугарските власти тогаш соопштија дека нападот бил извршен со комбинација од поморски и воздушни дронови, но не утврдија кој стои зад него.

Украинскиот претседател Володимир Зеленски ја обвини Русија, тврдејќи дека украинската морнарица добила информации за руски дронови. Софија, меѓутоа, не ја потврди таа верзија.

Претходните напади се случија во бугарската ексклузивна економска зона, а не во територијалните води на земјата, кои се протегаат до 12 наутички милји од брегот.

БУГАРИЈА ВЕЌЕ НЕ ТРАГА ПО ЕКИПАЖОТ НА ПОТОНАТИОТ БРОД Софија не знае кој нападнал, Зеленски ја обвинува Русија

The post ВТОР НАПАД СО ДРОНОВИ ВО ВОДИТЕ КАЈ БУГАРИЈА Потона брод, Радев бара разговор со Руте appeared first on plusinfo.mk.

ВМРО-ДПМНЕ го обвини претседателот на СДСМ, Венко Филипче, дека со ставовите за преговарачката рамка со Европската Унија и за бугарските барања се обидува да ја придобие Бугарија со цел да дојде на власт.

Во партиското соопштение се наведува дека Филипче постојано повторувал оти не постои подобра преговарачка рамка, но, според ВМРО-ДПМНЕ, токму таа рамка ја држи Македонија во застој на европскиот пат.

Од владејачката партија тврдат дека Филипче ги повторува ставовите на Румен Радев и на Петрова Чамова, претставувајќи го бугарското барање како европска позиција, а не како билатерален спор.

ВМРО-ДПМНЕ во соопштението се осврнува и на критиките на Филипче дека му бил нарушен политичкиот углед, оценувајќи дека за тоа се одговорни самиот тој и СДСМ. Како примери партијата ги наведува состојбите во здравството и концептот на „марихуана-економија“.

Според ВМРО-ДПМНЕ, најавениот „мастер план“ на Филипче е да дојде на власт по секоја цена, да го прифати барањето на Бугарија за внесување на Бугарите во Уставот и да го доврши процесот што го започна поранешниот премиер Зоран Заев.

Од партијата оценуваат дека таквиот пристап би значел нова отстапка на штета на националните интереси.

ВМРО-ДПМНЕ го критикува Филипче и за неговиот став во врска со моштите на цар Самуил, обвинувајќи го дека молчи за ова прашање и одговорноста ја префрла на историчарите.

The post „МАСТЕР ПЛАНОТ“ НА ФИЛИПЧЕ Е ДА Ѝ СЕ УМИЛКУВА НА БУГАРИЈА Од ВМРО-ДПМНЕ го обвинуваат дека сака да дојде на власт по секоја цена appeared first on plusinfo.mk.

Двата трговски брода што ноќеска беа погодени во бугарската ексклузивна економска зона во Црното Море биле нападнати со комбинирана употреба на морски и воздушен дрон, потврди бугарскиот премиер Румен Радев. Засега нема официјална потврда кој стои зад нападот, а Радев вели дека се разгледуваат можностите дека дроновите биле руски или украински.

Нападот се случил околу 3 часот наутро, на околу 70 наутички милји, односно околу 130 километри источно од Бјала. Потонатиот брод „Алфа Ватан“ („Alfa Watan“), кој пловел под знаме на Того, претрпел критични структурни оштетувања и потонал. Неговиот екипаж сè уште се смета за исчезнат, а бугарските спасувачки служби продолжуваат со потрагата. Засега не е познато ниту што превезувал бродот.

Вториот брод, „Абле“ („Able“), под знаме на Палау, исто така бил погоден и на него избувнал пожар, но не потонал. Сите 18 членови на екипажот се спасени и префрлени кон Варна. Двајца морнари се потешко повредени – индиски морнар има изгореници, а турскиот капетан има повреда на главата. Според бугарските информации, „Абле“ бил натоварен со жито и пловел кон Истанбул.

По состанокот со претставници на надлежните институции, Радев го оцени нападот како „грубо погазување на меѓународното право и воопшто на морското дело“. Бугарскиот премиер порача дека земјата ги презела сите потребни мерки, а во спасувачката операција се вклучени и воени хеликоптери и авион Су-25.

Сè уште не е утврдено од каде точно дошле дроновите. Радев изјави дека допрва ќе се утврдува потеклото на нападот и дека според досегашните информации станува збор или за руски или за украински дронови. Во меѓувреме, Ројтерс објави дека првичните проценки упатуваат на руска вмешаност, а бугарскиот весник „24 часа“ објави дека според свои извори дроновите биле руски, но „ова засега не е официјално потврдено од бугарските власти“.

The post СÈ УШТЕ НЕ СЕ ЗНАЕ КОЈ ГИ НАПАДНА БРОДОВИТЕ ВО БУГАРСКИТЕ ВОДИ Нападот бил комбиниран, изведен со морски и воздушен дрон appeared first on plusinfo.mk.

Бугарскиот премиер Румен Радев свика вонреден безбедносен состанок на владиниот врв по инцидентот во кој два цивилни трговски брода беа погодени во економската зона на земјата во Црното Море. Шефот на бугарската влада нагласи дека се преземени сите неопходни мерки за заштита на територијалните води, со цел да се оневозможи каков било безбедносен ризик за крајбрежјето и за виталните трговски коридори од кои зависи снабдувањето на целиот регион.

Владата во Софија воспостави деноноќен мониторинг на сите пловни патишта, со засилен надзор врз оштетените пловни објекти што се наоѓаат на отворено море. Премиерот посочи дека институциите постапуваат со максимална претпазливост за да не се дозволи напуштени или оштетени бродови да навлезат кон брегот и да предизвикаат прекин на комерцијалната пловидба.

Според наредбите од премиерот, патролните катери на граничните единици и военоморските сили остануваат во состојба на зголемена готовност долж целата крајбрежна линија. Властите будно ја следат траекторијата на сите пловила на оддалеченост од седумдесет милји источно од Бјала, подготвени веднаш да интервенираат доколку некој брод се насочи кон бугарските територијални води.

– Ова е апсолутно недозволив напад и грубо погазување на меѓународното право и на морското дело. Одамна предупредувам дека доколку не се стави крај на воените дејствија, сериозно се загрозуваат цивилните поморски патишта, но ние нема да дозволиме бугарскиот брег да биде загрозен – изјави премиерот Радев.

Реакцијата на извршната власт во Софија е насочена и кон смирување на економските ризици, бидејќи секоја несигурност во Црното Море директно ги зголемува трошоците за транспорт на жито, енергенси и градежни материјали.

Рано изутринава два трговски брода беа погодени од дронови од засега непознато потекло, при што едниот брод потона, а бугарските спасувачки служби момраа да ги евакуираат морнарите.

Нападот се случи на околу 150 километри југоисточно од Варна, источно од ртот Свети Атанас кај градот Бјала, на околу 80 километри од брегот. Едниот од бродовите, натоварен со жито, пловел под знаме на Того, а вториот под знаме на Палау.

ДРОНОВИ НАПАДНАА ДВА БРОДА ВО БУГАРСКИТЕ ВОДИ Еден потона, од вториот спасени 18 морнари

The post НЕДОЗВОЛИВ НАПАД И ГРУБО КРШЕЊЕ НА МЕЃУНАРОДНОТО ПРАВО Радев за нападот со дронови во бугарските води appeared first on plusinfo.mk.