Бугарската влада ќе побара од парламентот одобрение да се сместат 8 американски авиони-танкери во воената база Безмер, најави денеска премиерот Румен Радев, откако претходно нивното стационирање на цивилен аеродром предизвика контроверзии во земјата.

Вашингтон на 17 јули побарал авионите кои служат за поддршка на американските воени операции на Блискиот Исток, да се стационираат во воениот објект Безмер, рече Радев на годишната конференција на бугарските амбасадори во Софија.

Радев рече дека претходната одлука на претходната влада авионите да се стационираат на цивилниот аеродром во главниот град Софија, била донесена без претходно парламентарно одобрение.

По реакциите во јавноста, овие авиони, кои главно се користат за полнење гориво на други авиони во воздух, минатиот месец ја напуштија таа локација.

– Проблемот беше што воените авиони беа стационирани на цивилен аеродром во непосредна близина на Софија. Затоа им предложивме на нашите сојузници да користат воени аеродроми – рече Радев.

Воената база Безмер се наоѓа околу 260 километри југоисточно од Софија.

The post САД ПОБАРАЛЕ АВИОНИ-ТАНКЕРИ ДА СЕ СТАЦИОНИРААТ ВО БУГАРСКАТА ВОЕНА БАЗА БЕЗМЕР Радев ќе побара согласност од парламентот appeared first on plusinfo.mk.

Бугарија се повлекува од коалицијата на земји кои ја поддржуваат Украина во одбраната од руската агресија, објави бугарскиот претседател Румен Радев.

Одлуката претставува ново дистанцирање на Софија од дел од европските сојузници кои продолжуваат да ја поддржуваат Украина со воена и со финансиска помош.

– Ние не учествуваме во коалиција што инсистира на продолжување на финансиската и на воената помош за Украина – изјави Радев.

Бугарскиот претседател, кој со години е критичен кон испраќањето оружје за Киев, повторно нагласи дека не поддржува понатамошна ескалација на конфликтот.

– Решението за овој конфликт не лежи во неговото продолжување со воени средства, туку во силна дипломатска мисија што конечно ќе ја запре ескалацијата – рече Радев.

Иако Бугарија учествуваше на претходните состаноци на коалицијата, земјата не испрати свој претставник на средбата што се одржа во Париз.

Радев и претходно ги отфрлаше обвинувањата дека зазема проруски став, тврдејќи дека се залага за прагматични односи со Москва и за дипломатско решение на војната.

The post БУГАРИЈА СЕ ПОВЛЕКУВА ОД КОАЛИЦИЈАТА ЗА УКРАИНА Радев се залага за мирно решение за крај на војната appeared first on plusinfo.mk.

Бугарија се најде под засилен надзор од Европската унија, откако Советот на ЕУ официјално ја отвори таканаречената постапка за прекумерен дефицит.

Причината не е јавниот долг, туку буџетскиот дефицит. Според проценките на Европската комисија, Бугарија годинава ќе заврши со дефицит од 4,1 отсто од бруто-домашниот производ, што е над дозволената граница од 3 отсто пропишана со европските фискални правила.

Бугарскиот премиер Румен Радев претходно изјави дека новата власт наследила „ограбена државна каса“. Земјата сè уште функционира врз основа на продолжен буџет од минатата година поради политичката криза што ја потресе Бугарија во 2025 и во 2026 година.

Во меѓувреме, новата влада достави предлог-буџет за 2026 година до парламентот.

Што значи ова за Софија?

Со отворањето на постапката, Бугарија ќе мора да преземе мерки за намалување на буџетскиот дефицит и постепено да го врати под европскиот праг. Според одлуката на Брисел, дефицитот треба да се спушти под 3 отсто најдоцна до 2029 година.

Целта на постапката е да се обезбеди стабилно управување со јавните финансии и да се заштити финансиската стабилност на Европската унија и на еврозоната.

Ни одбраната не е доволно оправдување

Европските институции потсетуваат дека дел од земјите-членки добија поголема флексибилност за трошоците поврзани со одбраната. Сепак, во случајот со Бугарија било оценето дека воените расходи не се единствената причина за надминувањето на дозволениот праг.

Во соопштението се наведува дека користењето на клаузулата за дополнителни трошоци за одбрана не го објаснува целосно дефицитот над границата од 3 отсто.

Владата зборува за празна каса

Бугарија не е единствена што троши премногу во ЕУ

Постапки за прекумерен дефицит веќе се водат и против Финска, Франција, Италија, Белгија, Унгарија, Малта, Полска, Романија, Австрија и Словачка.

The post ДОДЕКА РАДЕВ СЕ ЖАЛИ НА ОГРАБЕН БУЏЕТ, ЕУ ОТВОРИ ПОСТАПКА Бугарија ќе мора да го намали прекумерното трошење appeared first on plusinfo.mk.

„Понекогаш се чудам како може исти државници, исти претседатели, исти премиери, на еден начин да се однесуваат во рамките на НАТО, да манифестираат разбирање, а кога се работи за Европската Унија, 20 години да нè држат во лавиринтот. Време е тоа да се надмине.

Вака порача денеска претседателката Гордана Силјановска Давкова, по учеството на состанокот на Северноатлантскиот совет на ниво на шефови на држави и влади, во рамки на Самитот на НАТО што се одржува во претседателскиот комплекс „Бештепе“ во Анкара.

Сиљановска Давкова изјави дека синоќа имала кратка средба со премиерот на Бугарија Румен Радев, кој ѝ рекол дека не сме само соседи, туку дека му е пријателка, што, рече, е инспиративно и охрабрувачко. Имала подолг разговор со унгарскиот премиер Петер Маѓар кој кажал дека уште позасилено ќе застане зад Западен Балкан, дека целосно нè поддржува и оти е неминовно, за да има стабилност и мир на Балканот, земјите од Западен Балкан да станат членки на Европската Унија.

Според претседателката Сиљановска Давкова, нема подобро решение за силна Европа и силно НАТО од состојба на мир, бидејќи силата на Европа е во способноста со мирни средства да посегне по реформи или да промовира демократија заснована на основните принципи и вредности.

На самитот на НАТО, рече претседателката, беше порачано дека ние сме докажан, кредибилен партнер на НАТО, дека се однесуваме одговорно и во поглед на средствата и во поглед на однесувањето, како и дека може да сметаат на нас,

Втората порака од Самитот, дополни таа, се однесува на НАТО.

–  Навистина требаше да се потенцира дека господинот Трамп на некој начин, откако на НАТО му стави до знаење дека одбраната заради која е создаден не се однесува само на Соединетите Американски Држави, туку и на земјите од Европа, и дека треба да си го земат својот товар од одбраната. Денеска се покажа дека навистина речиси сите држави, ако не и сите држави, веќе тргнале на таа патека во, се разбира, себегарантирањето, односно во гарантирањето способност да ја организираат сопствената одбрана. Тоа е исто, според мене, многу важно – рече Сиљановска Давкова.

На овој самит, потенцира претседателката, се чувствуваше единство. Од господинот Трамп, па до сите останати, манифестираа решеност, спремност, навистина, заедно да ги остварат задачите што ги поставивме уште во Хаг.

Претседателката ја цитираше мислата од Кемал Ататурк – „Ако има дома мир, ќе има и надвор мир“ и порача дека нема подобро решение за силна Европа и силно НАТО од состојба на мир бидејќи, нагласи, силата на Европа е во способноста со мирни средства да посегне по реформи или да промовира демократија заснована на основните принципи и вредности.

– Тоа ја прави посебна, се разбира, ако истите членки седат  таму и таму, или во најголем дел, тогаш логично е дека не треба да се откажеме од мирот. Тука е посебната вредност на господинот Трамп, бидејќи тој, покрај издвојувањето на средства, постојано вели дека треба да се најде мирна солуција за сите проблеми – рече Сиљановска Давкова.

На новинарско прашање за поддршката и однесувањето на лидерите во рамки на НАТО и во однос на евроинтеграциите на државава Сиљановска Давкова посочи  на средбите со Радев и со Маѓар, истакнувајќи ја поддршката од него.

– Со господинот Радев имав куса средба синоќа, се разбира, во присуство на господинот Кошта. Тој рече дека не сме само соседи, туку дека сум му јас пријателка, се разбира дека тоа е инспиративно и охрабрувачко. Но, немав овојпат некој подолг разговор, но со господинот Маѓар имав. Ме интересираше како гледа тој на политиката под негова палка, дали ќе посегне по промени. Ова што го изјави е дека уште позасилено ќе застане зад Западниот Балкан, дека целосно нè поддржува и дека неминовно е, за да има стабилност и мир на Балканот, земјите од Западен Балкан да станат членки на Европската Унија, дури рече дека има намера да тргне во турнеја по земјите од Западен Балкан, што е навистина одговорно и посветено – изјави Сиљановска Давкова, која на Самитот ја предводеше македонската делегација во чиј состав се министрите за одбрана и за надворешни работи и надворешна трговија, Владо Мисајловски и Тимчо Муцунски, како и генерал-мајор Сашко Лафчиски.

The post СИЉАНОВСКА ДАВКОВА ИМАЛА „ОХРАБРУВАЧКА СРЕДБА“ СО РУМЕН РАДЕВ Поддршка за Западен Балкан ветил и Петер Маѓар appeared first on plusinfo.mk.

На својот прв состанок на Европскиот совет како премиер на Бугарија, Румен Радев зазеде конфронтациски став и веднаш сигнализираше дека Софија е подготвена да го искористи ветото против предложениот 21. пакет санкции на ЕУ против Русија, доколку на списокот остане рускиот православен патријарх Кирил, јавува бриселскиот портал „ЕУалајв“ (EUalive).

Пред новинарите во Брисел, Радев изјави дека ќе стави вето доколку патријархот Кирил не биде изземен од листата, оценувајќи дека не треба да се меша политиката со религијата и повикувајќи се на заедничкото православно наследство.

– Ерата на крстоносните походи е завршена – рече тој и додаде дека не го интересира лично Кирил, туку Руската православна црква, која според него им помогнала на Бугарите во борбата за ослободување од отоманската власт. Радев наведе и економски ризици за Бугарија, вклучувајќи го влијанието врз рафинеријата на „Лукоил“ во Бургас, резервните делови за софиското метро, набавката на ѓубрива и нуклеарните операции.

Дваесет и првиот пакет, кој вклучува мерки поврзани со енергијата, операциите на „флотата во сенка“ и високопрофилни личности како патријархот Кирил, сега се соочува со натамошни одложувања додека министрите за надворешни работи не го усогласат во јули. Изјавите на Радев ја позиционираа Бугарија како последна пречка за единството на ЕУ по промените во Унгарија, а аналитичарите веќе се прашуваат дали новиот лидер ќе го пополни „празниот простор“ што го остави доскорешниот унгарски премиер Виктор Орбан.

И покрај острата реторика, Бугарија не го попречи постигнувањето поширок консензус во Советот: лидерите, вклучително и Радев, усвоија заклучоци за Украина, за одбраната и безбедноста на Европа, како и за редовното продолжување на постојните санкции против Русија. Радев исто така изрази поддршка за преговорите за пристапување на Украина во ЕУ.

На состанокот се почувствуваа и продлабочени тензии околу пристапот кон Кремљ, при што францускиот претседател Емануел Макрон и германскиот канцелар Фридрих Мерц жестоко се спротивставија на тајните канали кон Москва иницирани од претседателот на Советот, Антонио Кошта, нагласувајќи дека евентуалните преговори мора да ги предводат Франција, Германија и Обединетото Кралство, а не институциите на ЕУ.

The post БУГАРИЈА ГО БЛОКИРА 21. ПАКЕТ САНКЦИИ ПРОТИВ РУСИЈА ПОРАДИ ПАТРИЈАРХОТ КИРИЛ Радев е подготвен да го употреби ветото appeared first on plusinfo.mk.

Политичкото раководство на државата Република Северна Македонија тврдоглаво оди против интересот на сопствените граѓани за побрза европска интеграција, рече денеска премиерот на Бугарија Румен Радев.

– Властите во Скопје всадуваат говор на омраза, покажуваат нетолеранција и ја користат историјата како алатка во меѓународните односи – рече тој.

Радев потсети дека Бугарија инсистирала на вклучување на Бугарите во Уставот, токму за да ги заштити нивните права.

– Тогаш бев сам против сите. Успеав да ги убедам сите европски лидери да го сфатат проблемот со почитувањето на човековите права, за да можеме да го поставиме најферското нешто во преговарачката рамка – вклучување на Бугарите во Уставот и спроведување на Договорот за добрососедство, особено вториот протокол – истакна тој.

Радев рече дека во последно време има колебање во ставовите кај некои европски лидери во врска со ова прашање, а тоа го забележал и на Самитот ЕУ-Западен Балкан во Црна Гора.

– Сега јас повторно мора да вложувам напори да ги убедам каде и како треба да се држи Европа, како сојуз кој теба да ги штити интересите на сите граѓани во тој сојуз. Има колебање во ставовите на редица европски лидери, коенастана во времето кога мене ме немаше во ЕУ.  Некој не си ја завршил работата. Сега јас треба повторно да ги убедам лидерите на ЕУ дека консензусот постигнат во јули 2022 година мора да се почитува. Тоа и ќе го направам – рече Радев.

На прашањето дали однесувањето на властите во Скопјe покажува желба за членство во ЕУ, тој одговори:

– Не. Политичкото раководство прави сè што е можно за да го одложи членството на нивната земја во Европската Унија – рече премиерот на Бугарија.

На прашање за коментар во врска со палењето на двата дипломатски автомобили пред бугарската амбасада во Скопје и дали има протор за средба со македонскиот премиер Христојан Мицкоски, Радев рече:

– Нема место за таква средба затоа што проблемот не е двостран. Мицкоски има проблем со Европската Унија Нема место за таква средба затоа што проблемот не е двостран. Мицкоски има проблем со Европската Унија и Република Северна Македонија отсега па натаму ќе мора да ја убеди ЕУ дека дека ги почитува човековите права и дека може да ја гарантира безбедноста на сите дипломатски мисии на нејзина територија – рече тој.

Големиот проблем, додаде, е во тоа што ваквите инциденти не само што не се казнуваат од актуелното политичко раководство, туку се поттикнуваат и се користат во предизборни кампањи.

– Додека нема јасно утврдени принципи на владеење на правото, сè додека нема последици за сторителите на вакви недостојни дела, не може да има напредок. Ние немаме што повеќе да си кажеме со премиерот на Северна Македонија. Тој мора да им објасни на Европската Унија и на Европската Комисија како конечно ќе ги исполнат критериумите за членство – рече Радев.

БУГАРИ ВО УСТАВ ЗА ДА ПОЧНАТ ПРЕГОВОРИТЕ, ИСПОЛНУВАЊЕ НА ПРОТОКОЛИТЕ – ЗА ДА ПРОДОЛЖАТ! Борисов потврди дека Софија ќе продолжи да ја блокира Македонија

The post НЕМА ПРОСТОР ЗА СРЕДБА СО МИЦКОСКИ Радев повтори дека освен уставни измени, треба да се спроведе и вториот протокол од Договорот за добрососедство appeared first on plusinfo.mk.

Бугарија се спротивставува на европските санкции против рускиот патријарх Кирил, потврди министерката за надворешни работи на Бугарија Велислава Петрова-Чамова.

Бугарија, исто така, не поддржува некои од дискутираните санкции во енергетскиот сектор, кои би влијаеле на подружниците на „Лукоил.

Според Петрова, можните дејствија против патријархот Кирил се симболични, „би биле контрапродуктивни и би создале средина за антиевропска пропаганда дека Европа се меша во црковните работи“.

Таа објасни дека разгледуваните санкции влијаат на финансиските средства на патријархот.

– Не мислам дека ограничувањето на финансиските средства на рускиот патријарх во одредени банки ќе ги спречи неговите активности, какви и да се тие. Бугарската позиција е јасна: ние поддржуваме санкции кои имаат економски ефект и не им штетат на земјите-членки повеќе отколку што ѝ штетат на Русија и кои не се симболични по природа – истакна министерката за надворешни работи.

Патријархот Кирил е една од највлијателните религиозни личности во Русија, со значително политичко влијание. ЕУ првпат се обиде да го додаде Кирил на црната листа во 2022 година, обвинувајќи го за поддршка на целосна инвазија на Украина и ширење ревизионистичка пропаганда. Тогаш владата на Виктор Орбан го блокираше предлогот, нарекувајќи го „прашање кое задира во сферата на верските слободи“.

Европската комисија објави дека очекува предлогот за ново продолжување на санкциите против Русија поради војната во Украина, брзо да биде одобрен.

– Во вчерашното соопштение на Г7 беше забележано дека е време да се зголеми притисокот врз Русија, работиме во оваа насока. Разговараме со земјите од ЕУ и ќе продолжиме конструктивно да го дискутираме поднесениот предлог, со надеж дека ќе биде одобрен што е можно поскоро – изјави портпаролот на комисијата на прес-конференција.

Владата на Румен Радев претходно објави дека ја суспендира директната воена помош за Украина, а кратко пред тоа не поддржа основање специјален трибунал за Владимир Путин.

The post БУГАРИЈА ПО СТАПКИТЕ НА ОРБАН Не поддржува санкции против рускиот патријарх Кирил и против „Лукоил“ appeared first on plusinfo.mk.

Позицијата на Бугарија е многу јасна, проширувањето треба да се случува врз принципот на сопствените достигнувања. Тоа значи длабоки реформи во сферата на правосудството, владеењето на правото, човековите права и изградбата на добрососедски односи, изјави бугарскиот премиер Румен Радев во Тиват, каде што учествува во Самитот ЕУ-Западен Балкан.

– Нашата позиција е дека не треба да внесуваме наследени политички и историски проблеми внатре во европското семејство. Верувајте дека ќе продолжиме да стоиме зад ова позиција. Ги поздравуваме нашите домаќини од Црна Гора за напредокот и високо ги цениме напорите на Албанија, за напредок кон членството – изјави Радев.

Тој ги повика останатите земји од Западен Балкан да земат пример од овие две земји, доколку сакаат да достигнат до сличен резултат.

– Денешната средба е важна. Знаете дека Бугарија секогаш била основен мотор на процесот на проширување и интеграција на земјите од Западен Балкан. Бидејќи ние веруваме дека тоа е инвестиција во нашата безбедност и придонесува за проширување на заедничкото европско пространство за стабилност и просперитет – изјави Радев.

Принципот за сопствените достигнувања е клчен, додаде Радев.

– Не можеме да си дозволиме да ги компромитираме Копенхашките критериуми за членство поради сложената геополитичка состојба. Бидејќи ако сега вештачки, со брзање ги „изгаснеме“ тие проблеми. тие ќе се појават после години во европското семејство. Ние не сакаме тоа да се случи и нема да го дозволиме – дециден е бугарскиот премиер Радев.

На прашање за интеграцијата на Македнија во ЕУ, Радев повтори дека уставните измени се услов за процеспт.

– Единственото нешто што треба да го направи Северна Македонија е да ги впише Бугарите во Уставот, за да почне преговори со ЕУ. Подготвени сме да помогнеме на секоја земја што аплицира за членство, особено на нашите браќа од Северна Македонија. Чекаме тие конечно да ја исполнат преговарачката рамка. Имаме консензус од јули 2024 година и чекаме тие конечно да го изменат Уставот и да ги вклучат Бугарите во него. Многу е едноставно. Потребно е да го направат само овој чекор за да се отвори вратата за преговарачкиот процес – рече Радев.

The post БУГАРИЈА НЕ ДОЗВОЛУВА НАСЛЕДЕНИ ИСТОРИСКИ И ПОЛИТИЧКИ ПРОБЛЕМИ ДА ВЛЕЗАТ ВО ЕУ Проширувањето треба да е според достигнувањата на кандидатите appeared first on plusinfo.mk.

Заклучно со декемврискиот извештај сме фронтранери во исполнувањето на Реформската агенда, рече премиерот Христијан Мицкоски и изрази жалење што опозицијата вели дека рокот за реформмите истекол.

– За жал, опозицијата денеска ја слушам како вели дека дека рокот истекол. Жалам кога политички аналфабети се дрзнуваат да даваат такви коментари, бидејќи рокот не е 1 јуни рокот, туку 30 јуни. Тоа е елементарно непознавање, но тоа е што е. Ние сме, заклучно со декемврискиот извештај, вистински фронтранери. На второ место е Албанија, на трето е Црна Гора во регионот на Западен Балкан и ние користиме најголем дел од средствата како резултат на завршените реформи и испорачаните чекори – изјави Мицкоски по отворањето на МЕФ Форум 2026.

Тој истакна дека од она што денеска разговарал со колегите на состанокот за Реформската агенда е оптимист дека и оние реформи што се во грејс период, но и од оние чијшто рок за испорака завршува на крајот на јуни, најмалку 90 проценти ќе бидат ќе бидат испорачани.

– Во четврток имаме повторно координација со Брисел со господинот Герт Јан Копман. Очекувам местото на вистински фронтранери во испорака на реформите да го задржиме и во јунскиот извештај, така што во таа смисла на испорака ние се движиме најдобро од сите земји во регионот – нагласи Мицкоски.

Во врска со очекувањата од утрешната средба со претседателот на Советот на ЕУ Антонио Кошта, рече дека пораките се јасни и аргументирани.

– Во зависност од темите моите пораки се јасни и аргументирани. Ние сме подготвени да разговараме со секого на која било тема. Ние сме подготвени да бараме решенија и тука не треба никој да има дилема, но тие решенија мора да бидат достоинствени и тие решенија мора да опфатат заштита на македонскиот национален идентитет. Но, истовремено решенија кои што ќе значат почеток и крај на процесот, а не само почеток на процесот. Тоа не е доволно – рече премиерот.

На новинарско прашање дали има одговор од бугарскиот премиер Румен Радев за поканата за средба, рече дека засега нема одговор.

The post ЖАЛАМ КОГА ПОЛИТИЧКИ АНАЛФАБЕТИ КОМЕНТИРААТ ЗА РЕФОРМСКАТА АГЕНДА Рокот за реформите не е 1 јуни, туку 30 јуни appeared first on plusinfo.mk.

Само неколку месеци по приклучувањето кон Еврозоната, Бугарија се наоѓа под закана од европски санкции. Новито премиер Румен Радев предупреди дека земјата ќе мора да преземе болни мерки за да го намали буџетскиот дефицит.

Тој ја обвини претходната власт дека зад себе оставила сериозни финансиски проблеми.

Според него, Европската комисија на 3 јуни ќе го објави извештајот што може да ја активира постапката за прекумерен дефицит. Тоа би значело засилен надзор врз буџетската политика на Софија и можни финансиски последици.

Дефицит над дозволената граница

Според правилата на Европската Унија, буџетскиот дефицит не смее да надмине 3 проценти од бруто-домашниот производ. Минатата година бугарскиот дефицит достигнал 3,5 проценти.

Доколку Софија не успее да ја врати потрошувачката во дозволените рамки, Брисел може да замрзне дел од европското финансирање. Во краен случај, предвидени се и финансиски казни.

„Доаѓа време за тешки прашања“

Радев оцени дека актуелната состојба е резултат на години лошо управување со јавните финансии. Тој ја обвини претходната проевропска влада на Росен Жељазков за неодговорно трошење и прикривање на вистинската состојба во буџетот.

– Сега доаѓа време за тешки прашања и Европската комисија ќе нè праша зошто некои луѓе ја излажаа – изјави Радев.

Тој најави дека владата ќе бара одговорност за сите злоупотреби и дека ќе се обиде постепено да ги стабилизира јавните финансии.

Тешка задача за новата влада

Радев предупреди дека стабилизирањето на буџетот нема да биде лесна задача. Според него, ќе бидат потребни години за државните финансии повторно да се вратат во нормални рамки.

Бугарската влада сега се соочува со предизвик да го намали дефицитот без дополнителен удар врз економијата, во период кога земјата штотуку се приклучи кон заедничката европска валута.

The post ПРВО ЕВРОЗОНА ЗА БУГАРИЈА, СЕГА САНКЦИИ? Ќе нè прашаат за буџетот, вели Радев appeared first on plusinfo.mk.